Апрельыште вучыза: жап, формат да шушаш переписьыш «фишкыже»

60 ий ончыч мланде шарыште ен-влакын чотышт 3 миллиард лийын. А 1987 ий 11 июльышто планетыште 5 миллиардымше ен шочын. ООН-ын инициативыже почеш ты кече «Всемирный день народонаселения» семын палемдалдтеш. Кызытсе жаплан мландыште калыкын чотшо 7,8 миллиард еныш шуын. А Российыште мыняр ен ила? Элыштына национальный состав могайрак? Мыняр пєръен, мыняр ўдырамаш, мыняр мужыр? Нине да моло йодыш-влаклан вашмутым Всероссийский калык перепись пуа.

Таче ме тудын кунам эртымыже, молан тудын у форматше статистика нерген умылымашым вашталта да Россий калыкым могай «фишка» єрыктара, умылтарена.

2020 ийыште тўнямбалне 5 миллиард илыман 50 государство переписьым эртараш палемден. Но пандемий статистик-влакын планыштым вашталтен. Эпидемиологический ситуацийлан кєра ятыр элын властьше переписьым эртарыме жапым вашталтен.

Тиде амалланак Росстат 2020 ий октябрьлан палемдыме переписьым шенгек шўкалаш темлен.Тений 27 июньышто Россий правительствын председательже Михаил Мишустин переписьым 2021 ий апрельыш кусарыме нерген пунчалым подписатлен. Переписьым кусарымылан кєра лу ияшын тўн статистический событийыштыже лийын кертме экшык-влак ятырлан шагалемыт. Вет лач чумыр, раш жап гыч эртарыме калык перепись гына демографический ситуацийым рашемдаш полша.

Тыгеракын, Всероссийский калык перепись 2021 ий 1 гыч 30 апрель марте эрта. Тудо элын чыла регионжым авалта, эсогыл моткоч изи да пеш торасе ял-влакат єрдыжеш огыт код. Тыге, пеш тора да мияш йєндымє, корно укеан верлаште перепись 2020 ий 1 октябрь гыч 2021 ий 30 июнь марте шуйна.

шушаш перепись Россий историйыште икымше цифровой перепись лиеш. Кажне переписчик лўмын ыштыме программан планшетым налеш. Тушто электронный переписной лист верандалтеш. Данный-влакым аралыме безопасность вияндалтын. Электронный устройствым кучылтмаш йонылышым шагалемда да уверым писын обрабатыватлаш полша. Москваште да Иваносвкий областьысе предприятийлаште 360 тўжем планшетым ямдылаш тў‰алыныт. Статистик-влак деке планештын икымше партийже тений сентябрьыште пурышаш.

У технологийлан кєра перепись пеш неле мероприятий гыч весела онлайн-модмашке савырна. Ынде шке жапым переписчик дене вашлийын эртарышаш уке - «Госуслуги» порталыште электронный переписной лист верандалтын, кажне ен тушко пурен, шкаланже келшыше жапыште тудым заполнятлен кертеш. Шушаш переписьыште интернет перепись эн тўн «фишкыш» савырна.

Шушаш переписьын икымше итогшо 2021 ий октябрь тылзыште ышталтеш. Пытартыш иктешлымаш 2022 ийын IV кварталыштыже савыкталтеш.

Т. ГОРДЕЕВА (ВПН медиаофисын материалже негызеш).