«Трактор» операций

13 июль гыч 14 август марте Мишкан районышто гостехнадзорын инспекторжо-влак ГИБДД пашаен-влак дене пырля «Трактор» профилактический операцийым эртарат

Операций жапыште самоходный машинан, трактор да трактор прицеп-влакын озашт-влак деке тыгай йодмаш шындалтеш: трактор дене коштмо годым трактористын пеленже тыгай документ-влак лийшаш улыт - тракторист-машинистын удостоверенийже, машинам регистрироватлыме удостоверений, ОСАГО полисын страховой свидетельствыже, техосмотрым эртыме нерген свидетельство, трактор прицеп ден гын, прицепым регистрироватлыме да техосмотрым эртыме нерген свидетелсьво.

Палемдыме график почеш Мишкан районышто трактор ден прицеп-влаклан техосмотрым эртарен пытарыме, но чыла трактор техосмотрым эртен огыл.

Мишкан районысо ГТН инспекцийыште 2020 ий 3о июньлан 1387 единица трактор регистрироватлалтын, тушечын 1236 тракторжо физический лицо-влакын. Техосмотрым 50 процент техника гына эртен. Мишкан, Ардаш, Кемий сельсоветлаште 50 процент деч шагалрак трактор гына техосмотрым эртен, а Урьяде сельсоветыште техосмотрым эртыше трактор 40 процентышкат шуын огыл. Палемден кодаш кўлеш, районышто эше шуко трактор, прицеп да самоходный машина-влак гостехнадзорышто регистрацийым эртыде коштыт. Тыгай техника, мутат уке, техосмотрым ок эрте, нуно эре пудыргат да тўрлє проишествийлашке логалыт. Ушештарена, уржа-сорла годым, шудым ыштымаште участвоватлыше техника тўзык лийшаш, кажне техникыште пожар йєртымє средства-влак лийшаш улыт, шудым шупшыкташ келыштарыме прицепыште ончылнат, шенгелнат «крупногабаритный груз» манме корно знак дене палемдалтшаш да габарит тул обязательно йўлышаш.

Пагалыме тракторист да самоходный машинан озаже-влак, тўшкан пайдаланыме корныш лекме годым пелен чыла документым налаш ида мондо, вет тушто те корно движенийын участникышкыже савырнеда да водитель-влак семынак корнышто коштмо правилым шуктышаш улыда.

Трактор да самоходный машина-влакын участвоватлымышт дене корнышто лийше аварий-влакым ончылгоч корандышашлан тыгай операций идалык пытымешке шуйнаш тўналеш.

И. МУСТАФИН, Мишкан районысо ИГТН начальник.