Келшымаш
-2 °С
Лум
Все новости
СПОРТ
17 теле 2021, 14:34

Паша да оборонылан ямде улыт

«Самырык лўйкалыше» кружокын воспитанникше-влак ГТО нормативым сдатленыт.

Паша да оборонылан ямде улыт
Паша да оборонылан ямде улыт

Шукерте огыл «Путник» йоча- юношеский туризм рўдер пеленсе «Самырык лўйкалыше» кружокын воспитанникше-влак «Паша да оборонылан ямде» всероссийский физкультурно-тазартыме комплексын норматившым сдатленыт. Нуно вийыштым спортын тўрлӧ видше дене тергеныт: кўчык да кужу дистанцийыш куржмаш, вер гыч кужытыш тӧрштымаш, перекладиныште нєлталалтмаш, снарядым торашке кышкымаш, вер гыч кужытыш тєрштымаш, отжиманийым ыштымаш, рыҥ шоген ончыко пўгыргымаш, комдык киен капым нӧлтымаш, иймаш. «Самырык лўйкалыше» кружокыш коштшо-влак, конешне, вийыштым лўйкалымаштат тергеныт. Нормативым шукташлан кажне еҥлан лўен ончаш кум пульым да зачетлан лўяш вич пульым пуымо. Сеҥышышке эн шуко баллым погышо лектын.
Лўйкалыше-влак сайын лўйкаленыт, усталыкышт ўдыр-рвезе- влаклан шкаланыштат, спорт судья-влакланат келшен. Самырык спортсмен-влак спортын моло видыштыжат уста улмыштым ончыктеныт да ГТО значокым шукын сулен налын кертыныт.
ГТО нортмативым сдатлымаш поро йўлашке савырнышаш. Вет тазалык - сеҥымашыш шуаш полшышо эн кугу вий.
Фирдаус КАДИКОВА.

Паша да оборонылан ямде улыт
Паша да оборонылан ямде улыт
Автор:Фирдаус Кадикова