Келшымаш
-19 °С
Пылан
Все новости
СПОРТ
10 теле 2021, 15:48

Спортивный туризм дене таҥасеныт

2021 ий 19 гыч 21 ноябрь марте Уфаште спортивный туризм дене командный таҥасымаш-влак эртеныт

Спортивный туризм дене таҥасеныт

Мишкан районын чапшым кок команде арален: БР-се 29-ше сельский спортивный модмашын зачетыштыжо выступатлыше-влак (Артур Валинуров, Ильгиз Саетгареев, Андрей Ибаев, Николай Зайнитдинов, Ирина Саликаева, Елена Михайлова, Виктория Зайнитдинова, Мария Хазиева) да Бирск олан да Мишкан районын БР чемпионатыште выступатлыше «Вояж-Путник» сборный командыже (Дарья Айкашева, Ирина Саликаева, Максим Имаев, Андрей Ибаев).
Икымше кечын таҥасымаш йолешке группа да связка (кылдыш) дистанцийлаште эртен. Икымше командын пӧръеҥже-влак группа дистанцийыште 2-шо верым, ўдырамаш-влак 3-шо верым налыныт да 2 спортивный разрядым шуктеныт. Кылдыш дистанцийыште пӧръеҥ-влак коклаште кокымшо вер Андрей Ибаев ден Николай Зайнитдиновлан логалын, ўдырамаш-влак коклаште Мария Хазиева ден Елена Михайлова кокымшо верым налыныт.
БР Чемпионатын зачетыштыжо выступатлыше кокымшо команде «Вояж - Путникын» копилкышкыже сай результатым ешарен. Группа дистанцийыште пӧръеҥ командат, ўдырамаш командат кокымшо верым налыныт. Кылдыш дистанцийыште Максим Имаев - Андрей Ибаев кокымшо верым налыныт, а Бирский гыч акак-шўжарак Виктория ден Ксения Аксеновмыт кылдыш той призерыш лектын. Командный зачетышто кок видше денат сеҥышыш лектыныт.
Кокымшо кечын йолешке личный дистанцийыште таҥасымаш эртен. Сельский модмашын зачетыштыжо Андрей Ибаев 2-шо верым налын. Командный зачетышто - 3-шо вер.
Чемпионатын зачетыштыжо Андрей Ибаев той призер лийын. Командный зачет - 1 вер.
Эртыше таҥасымаш-влакын итогышт почеш Мишкан районын командыже Башкортостан Республикысе 29-ше сельский спортивный модмашын зачетыштыжо спортивный туризм дене ший призер лийын, а БР Чемпионатын зачетыштыжо - абсолютный чемпион! Команде-влакым сай результат дене саламлена да ончыкыжымат сеҥымашым гына тыланена!
Е. ШАМИЕВА, «Путник» ЦДЮТ ДО МБУ-н методистше.

Спортивный туризм дене таҥасеныт
Автор:Фирдаус Кадикова