Келшымаш
+9 °С
Пылан
Все новости
СПОРТ
17 Сентябрьыште 2021, 11:04

Пайрем чылалан келшен

Кодшо шуматкечын Сабантуй олыкышто «Культурный шуматкече» всероссийский акций, «Йочатым спортыш кондо» районный мероприятий эртеныт.

Тиде кечын игечыжат мотор шоген, кава гыч кече шыратен ончен. Сандене спортым йєратыше-влаклан чыла условий лийын. «Триумф» ФОК шке омсажым почын, куржталме корно, лыжероллерный трасса, футбол пасу, волейбол площадке, бассейн, лўйкалыме тир, теннис корт кумылан-влакым ўжыныт. Ик площадкыштат яр вер лийын огыл.
Спортивный мроприятий-влак эртыме жапыштак РДК-н, йоча искусство школ ден музыкальный школын артистше-влак сылне концертым ончыктеныт. Сандене
ты кечын Сабантуй олыкыш толшо ик еҥланат йокрокланаш жап лийын огыл.
Пайрем мероприятийым вўдышӧ-влак таче чумыр Российыште икымше гана «Культурный шуматкече» акций эртыме нерген увертареныт да пайрем эртыме
радам дене палдареныт. Муниципальный район администраций вуйлатышын икымше заместительже Л. Александрова пайремыш чумыргышо-влакым салам-
лен да каласен:
- Таче тыште кум мероприятий эрта - «Культурный шуматкече» всероссийский акций, Всероссийский айык кече да мемнан районный мероприятий «Йочатым
спортыш кондо». Мый чыладам нине пайрем-влак дене саламлем да канышдам веселан эртараш тыланем.
Погынышо-влакым тыгак физический культура, спорт, туризм да молодежный порлитика комитетын председательже Н. Зайнитдинов, уголовный розыск отделын оперуполномоченныйже Е. Исакаев саламленыт.
Могай пайрем муро да куштымаш деч посна! Тиде кечын РДК-н артистше-влак, самырык ўдыр-рвезе-влак шке мастарлыкышт дене чылам куандареныт. А спортым йєратыше-влак тўрлӧ площадкылаште вийыштым тергеныт. Пайрем чылалан келшен.
Вениамин КОНДОГИН.

Автор:Вениамин Кондогин