Келшымаш
-20 °С
Пылан
Все новости
СПОРТ
26 Ӱярня 2021, 14:29

Сезон петыралтын

Сабантуй олыкышто тений пытартыш гана ече дене таҥасымаш эртен.

Сезон петыралтын
Тушто спортын ветеранже-влак, тунемше-влак, образовательный учреждений ден предприятий-влакын пашаеҥышт участвоватленыт да теле сезоным петыреныт. Таҥасымаш спорт мастер-влак Денис Тимиркаевич Тимиркаевлан, Петр Абликович Аликовлан, Юрий Ямиданович Аймурзинлан, Роза Янсубаевна Шаркаевалан лўмлалтын.
Старт деч ончыч физический культура, спорт, туризм да молодежный политика комитетын председательже Р. Ямаев, паралимпийский модмашын вич гана чемпионжо К. Михайлов, «Единая Россия» партийын верысе отделенийжын исполнительный секретарьже Н. Шамшиева, районысо образований пашаеҥ-влак профсоюз организацийын председательже А. Килинбаева ече корныш лекше-влакым сезон петыралтме дене саламленыт.
Таҥасымаште Ардаш, Чорай, Тымбай, Монар, Изи Накаряк, Йылыш школ-влак, агропромышленный колледж, «Солнышко», «Василек» йоча сад-влак, тыгак Бирск да Уфа олала гыч толшо уна-влак выступатленыт.
Таҥасымашын участникше-влак ийгот шот дене лу тўшкалан шелалтыныт. Тунемше-влак 1 да 2 километрым куржыныт, а кугыеҥ-влаклан 1 гыч 5 километр марте дистанцийым эрташ кўлын.
18 гыч 29 ияш марте ўдырамаш-влак коклаште (2 километр) сеҥышыш Р. Микаева (Тымбай школ) лектын. Тудын результатше - 11 минутат 21 секунд. Кокымшо М. Иркабаева (Йылыш) лийын. Бирск ола гыч толшо Я. Байдак кумшо верым налын. Ты тўшкаште чылаже 5 еҥ таҥасен.
30 гыч 39 ияш марте (1 километр) сеҥыше радамыш С. Ялитова (Тымбай), И. Ахмадишина (Ардаш), Л. Калитова (Кўрзе) лектыныт. Ты тўшкаште 17 еҥ таҥасен.
40 гыч 49 ияш марте (1 километр) ўдырамаш-влак эн шукын лийыныт. Стартыш 27 еҥ лектын. Сандене таҥасымаш пеш пўсӧ лийын. 4 минутат 37 секунд результат дене М. Пасечник (Кемий) сеҥышыш лектын, финишыш кокымшо Л. Андре- ева (Чорай) толын, Ардаш гыч С. Сагитова кумшо лийын.
50 гыч 59 ияш-влак 15-ын лийыныт. Сеҥышыш Л. Дмитриева (5,48), О. Акмурзина (6,48), Е. Иркабаева (6,58) лектыныт.
60 гыч 69 ияш ўдырамаш-влак коктын гына ече корныш лектыныт. Сандене 1-ше ден 2-шо вер-влакым нуно шке коклаштышт пайленыт. Тиде - Л. Мусагитдинова (Бирск) - результат 6 минутат 15 секунд да А. Шакмаева (Пўрӧмучаш) - 10 минутат 36 секунд.
18 - 29 ияш пӧръеҥ-влак коклаште стартыш лекше чыла еҥат призер радамыш логалын. Вет нуно кумытын гына лийыныт: Э. Иванчин (икымше вер, Бирск ола), К. Михайлов (кокымшо), Д. Иванов (Тымбай).
30 - 39 ияш-влак коклаште В. Шумаев сеҥен, А. Саяпов - кокымшо, А. Назмиев кумшо лийыныт. Кумшо тўшкаште (40-49 ияш-влак) В. Изибаев (Бирск) сеҥышыш лектын, А. Шамиданов (1 №-ан лицей) «ший» призер лийын, Ю. Ямурзин (Кўрзе школ) кумшо толын. 50-59 ияш-влак коклаште Ю. Айгузин (Кугу Соказа), А. Янитов (Бирск), Э. Ишалин (1 №-ан лицей) сеҥышыш лектыныт.
Эн шуко еҥ 60 гыч 69 ияш-влак тўшкаште таҥасен. Призер радамыш В. Аптраев (2 №-ан Мишкан кыдалаш школ), В. Андреев (Мишкан), В. Янкиев (Кемий) лектыныт. Эн кугу ийготан-влак коклаште (70 ияш да кугурак-влак) В. Апсаликов (Чорай), Я. Апсатаров (Кемий), Е. Ашиев (Изи Накаряк) сеҥышыш лектыныт.
Сеҥыше да призер-влаклан грамота ден медальым кучыктымо.
Венера АГЛЯМОВА.