Келшымаш
+24 °С
Пылан
Все новости
СПОРТ
12 Ӱярня 2021, 14:21

Спорт да тазалык пайрем!

Шукерте огыл ДЮСШ залыште йолешке дистанцийлаште спорт туризм дене районный таҥасымаш эртен

Спорт да тазалык пайрем!
Таҥасымаште 40 утла турист вийжым терген. Тудо 2 группышто («новичок», «мастер») ийгот шотышто 6 категорий коклаште дистанций-йолешке дисциплина почеш эртен.
Таҥасымаш деч ончыч турист-влакым «Путник» ЦДЮТ ДО МБУ директор Вячеслав Айгушевич Князев саламлен. Тудо ўдыр-рвезе-влаклан сайын выступатлаш да сеҥымашыш шуаш тыланен. Варажым дистанций начальник Андрей Ибаев таҥасымашын условийже да правилже-влак дене палдарен.
Ик жап гыч стартлан сигналым пуымо да чолга таҥасымаш тўҥалын. Тушто вер-влак тыге шеледалтыныт:
6-7 ияш-влак коклаште 1 класс дистанцийыште Даниэль Яркаев сеҥен, Антон Имаев кокымшо лийын, Михаил Айгузин – кумшо; 8-9 ияш-влак коклаште 1 классан дистанцийыште Ильнар Аллаяров шкетын выступатлен, тудак сеҥышылан шотлалтын; 10-11 ияш-влак коклаште 1 класс дистанцийыште «новичок» группышто ўдыр-влак коклаште Анастасия Килинбаева эн чулым лийын, кокымшо верым Элиза Шамшитова налын, кумшым – Илена Асмаева; тиде группышто эрге-влак коклаште Егор Ижбулдин сеҥышыш лектын, Глеб Кильмакаев кокымшо лийын, Максим Ташбулатов – кумшо; тиде категорийыштак, но «мастер» группышто эрге-влк коклаште Павел Айгузин сеҥен, кокымшо верым Андрей Айкашев налын, кумшым – Тимофей Каниев, ўдыр-влак коклаште Варвара Байрамова эн чолга лийын, Ксения Яикбаева кокымшо верым налын, Ангелина Янышева – кумшым; 12-13 ияш-влак коклаште 1 класс дистанцийыште «новичок» группышто Есения Самигуллина сеҥен, Дарья Ибаева кокымшо лийын, Софья Иксанова – кумшо; ийгот шотышто тиде тўшкаштак, но «мастер» категорийыште Анна Айкашева икымше лийын, Ксения Павлова – кокымшо; тиде группышто эрге-влак коклаште Егор Адышев сеҥен, кокымшо верым Кирилл Адышев налын, Дмитрий Кансияров – кумшым.
Эн чолга да чулым кучедалмаш кугурак-влак коклаште ылыжын.Нуно чыланат «мастер» категорийыште таҥасеныт. 14-15 ияш-влак коклаште 3 класс дистанцийыште Никита Васильев сеҥен, Максим Имаев кокымшо лийын. Ӱдыр-влак коклаште Дарья Айкашева эн чулым лийын, кокымшо верым Имилия Шамсутдинова налын. Юниор-влак коклаште Иина Саликаева ден Артур Валинуров сеҥеныт.
Таҥасымашын участникше-влакым чылаштымат Чап грамота да изирак пєлек дене палемдыме. Тушто чыланат сеҥыше да призер лийын огытыл гынат, мероприятий кажне туристлан алал кумылым пєлеклен.
В. АГЛЯМОВА (материалым «Путник» рўдер пуэн).