Шочмо элым аралаш ямде улыт

Шочмо элым аралаш ямде улыт

Оборонно-массовый да военно-патриотический иктылзаш кышкарыште 26 февральыште агропромышленный колледжыште тунемше-влак коклаште «Отечествым аралыше» районный мероприятий эртен. Конкурсышто кум команда вийжым терген – «Патриот», «Лидер» да «Легионер».

Таҥасымаш деч ончыч шочмо элнам ончыкылык аралыше-влакым «Самырык армий» движений вуйлатыше С. Александров, Мишкан да Бурай районласе военный комиссар С. Васильев, районысо ветеран-влак советын председательже Ю. Балахнина, районысо ветеран-влак совет президиумын членже, самырык-влак дене паша да патриотический воспитаний шотышто комиссий председатель С. Андерзянов, «Чумыр Россий» партийын верысе отделенийжын секретарьже Н. Шамшиева, боевой действийын участникше А. Дмитриев саламленыт. Колледжыште кокымшо курсышто тунемше ўдыр-влак Ж. Ильина ден К. Ахунова рвезе-влаклан музыкальный номер-влакым пӧлекленыт. Конкурсым физический культура, спорт, туризм да молодёжный политика шотышто комитет, «Путник» туризм, экскурсий да патриотический воспитаний рўдер, Мишкан да Бурай районласе военный комиссариат, «Чумыр Российын Самырык Гвардийжын» верысе отделенийже да Сеҥымаш волонтер-влак ямдыленыт да эртареныт.

Отечествым ончыкылык аралыше-влаклан строй да муро конкурсышто чолгалыкыштым ончыкташ, вер гычын кужытыш тєршташ, турникыште нєлталалташ, отжиманийым ышташ, гирьым нӧлташ, калашников автоматым рончен погаш кўлын. Капитан-влаклан посна военный викторина эртаралтын. Конкурсный программа кандырам шўдырымаш дене мучашлалтын.

Конкурсышто «Патриот» команда сеҥен, «Лидер» кокымшо лийын, «Легионер» - кумшо. Личный таҥасымаште сеҥыше-влакым посна палемдыме.

Сеҥыше ден призёр-влакым Чап грамот, изирак приз да окса сертификат дене палемдыме. «Чумыр Россий» партийын верысе отделенийжын секретарьже Наталия Шамшиева чумыр зачетышто эн шуко баллым погышо участник-влаклан изирак пєлекым кучыктен.

Таҥасымаште мемнан рвезына-влак армийыште служитлаш да шочмо элнам аралаш ямде улмыштым ончыктеныт.

В. АГЛЯМОВА.