Сеҥымаш дене пӧртылыныт

Сеҥымаш дене пӧртылыныт

21 гыч 23 февраль марте БР-се Гафури районысо Красноусольск олаште спортивный туризм дене (ече дистанций) таҥасымаш эртен. Тушто пўтынь республик гыч 100 наре спортсмен вийжым терген. Мемнан районын командыжат тиде таҥасымаш дечын єрдыжеш кодын огыл да эн сайын выступатлен.

Мишкан районын командыже «Путник» рўдерын воспитанникше-влак гыч шоген. Тушко пуреныт: Ильгиз Саетгареев, Артур Валинуров, Иван Айкашев, Андрей Ибаев, Никита Васильев, Максим Имаев, Ирина Саликаева, Елена Михайлова, Татьяна Иванаева, Валерия Исадыкова.

Таҥасымашын икымше кечыштыже «ече-кылдыш» дистанцийыште таҥасымаш эртен. -30 градус йўштӧ шогымылан кӧра тудым вес кечышкат кусараш шонымаш лийын. Но кок шагатлан кусарыме дене серлагеныт. Кечываллан игече -19 марте лывыртен да таҥасымашым эртараш лийме. Йўштӧ лийын гынат, спорт- смен-влак таҥасымаште пеш сай результатым ончыктеныт. Ӱдыр-влак коклаште тиде кечын Ирина Саликаева ден Валерий Исадыкова ойыртемалтыныт. Нуно 12 кылдыш коклаште 20-шо верым налыныт. Пӧръеҥ-влакат кокымшо лийыныт, тыште Андрей Ибаев ден Артур Валинуров ойыртемалтыныт. Нунак Башкортостан Республикын 3 класс почеш зачётышкыжо пурышо таҥасымаште кумшо лийыныт. Чумыр таҥасымаште мемнан командына икымше верыш лектын.

Кокымшо кечын таҥасымаш ече-тўшка дистанцийыште эртен. Тиде кечынат чатлама йўштӧ шоген, тудо спортсмен-влакын чурийыштым, пылышыштым да кидыштым кылмыктен. Но мемнан командынам тудо сеҥен кертын огыл. Ӱдыр-влак сельский район-влак коклаште икымше верым налыныт, а пӧръеҥна-влак кокымшо лийыныт. 3-шо класс почеш дистанцийыште пӧръеҥна-влак кумшо верым налыныт.Чумыр командный зачетышто командына уэшын икымше лийын.

Кок кечаш таҥасымашым иктеш- лымеке, чумыр командный зачетышто Мишкан районын командыже сеҥышыш лектын. Ме спортсменна ден тренерна-влакым тиде сеҥымаш дене алал кумылын саламлена да ончыкыжым эшеат кугурак сеҥымашыш шуаш тыланена!

В. АГЛЯМОВА (материалым «Путник» рўдер пуэн).