Келшымаш
-14 °С
Пылан
Все новости
СПОРТ
29 шорыкйол 2021, 14:28

Пийым кычкен таҥасеныт

8-9 январьыште Сарапул тракт деч 25 км ӧрдыжтӧ верланыше Жеребенки ялыште «Теле поран» VII идалык еда эртыше пийым кычкен таҥасымаш эртен.

Пийым кычкен таҥасеныт
Тушто Удмурт Республик, Татарстан Республик, Башкортостан Республик, Пермь край, Омск, Кировск областьла да моло кундемла гыч мийыше спортсмен-влак вийыштым тергеныт. Таҥасымаште 200 утла урлык пий лийын: хаски, маламут, самоед, якут лайка, овчарка, доберман, лабрадор, норвег метис-влак да моло.
Старт деч ончыч спорт- смен-влакым Госсовет председатель да республикысе депутат-влак лўм дене Елена Дербилова саламлен. Салам шомакыштыже тудо пийым кычкен таҥасымашын пўтынь республикылан оҥай улмыж нерген ойлен, спортын тиде видше идалык еда утыр вияҥеш, таҥасымашым эскерышат арта.
Таҥасымашым ончымо деч посна еҥ-влак тўрлӧ конкурс ден мастер-класс-влакын участникышт лийын кертыныт. А 8 январьыште «Клан Самурана» сибирь хаски питомникыште виш омса кече эртен.
Тыгай кўкшытан таҥасымаште икымше гана мемнан самырык спорт- сменкына Любовь Мурзашева вийжым терген да Максимус лўман пийже дене скиджорингыште (5+5 километрлан ик пий) икымше верым налын. А Геннадий Мурзашев ден Максимус мужыр «каникросс» дисциплиныште эн писе лийын.
- Таҥасымаш пеш ямле верыште эртен, тудо поснак йўдым моторын койын, - кумыл нӧлтын ойлышт спортсмен-влак.
В. АГЛЯМОВА (материалым районысо спорт комитет пуэн).