+20 °С
Облачно
СПОРТ
31 Декабря 2020, 21:00
Телымсе триатлон
2019 ий 3 мартыште Татарстан Республикысе Зеленодольск олаште 15-17 ияш ӱдыр ден рвезе-влак коклаште теле триатлон денеРоссийын первенствыже эртен.
Телымсе триатлон
Эстафетный таҥасымаште юниор-влак коклаште Александр Ямбаев кокымшо призовой верым налын, Пермь край гыч спортсменлан икмыняр секундым гына модын колтен.
Ӱдыр-влак коклаште Татьяна Иванаева ден Анастасия Сайфутдиновалан пиал шыргыжын. Нунат эстафетный таҥасымаште куржыныт да кумшо верым налыныт. Пермь край да Свердловский область гыч спортсмен-влак нунын деч талырак лийыныт.
Теле да кеҥеж триатлон дене спортсмен-влакым ДЮСШ-н тренерже Юрий Айгузин ямдыла. Юрий Байгузиновичын воспитанникше-влак кокла гыч шым еҥже Башкортостан Республикын сборный командыштыже улеш. Тудо шкежат тыгай таҥасымашлаште шке ийготан-влак коклаште участвоватла.
В. АГЛЯМОВА.
