Ӱстел теннис дене всероссийский спартакиада

Ӱстел теннис дене всероссийский спартакиада

Чон вургыжеш, шӱм чот кӱлтка, вуйышто тӱрлӧ шонымаш пєрдеш… «Мо тушто? Кузерак тудо? Команда кузерак? Молан

тынар кужу жап ок йыҥгырте?» Шкем лыпландарем… «Кертеш! Кертшаш, тудо мыйын молодец!». СМС тольо: «Авай, мый

сеҥышым, умбакыже модаш тӱҥалам!» Мый куанымем дене тєршталтен колтышым, музыкым чӱктышым, кушташ тӱҥальым…

Тыгай шижмаш, очыни, иктаж-могай таҥасымаште участвоватлыше кажне йочан ача-аваж дене лийын. Йоча-влак могай верым налшаш верч огыт шоно, а сборный командыш логалмыштлан моткоч куанат.

25 февраль гыч 5 март марте Екатеринбург олаште Газпром - 2019 ПАО-н XI телымсе спартакиадыже эртен. Тушко чумыр Россий гыч кок тӱжем утла спортсмен чумырген, спортын куд видше дене таҥасеныт: баскетбол, волейбол, мини-футбол, ече дене таҥасымаш, лӱйкалымаш да ӱстел теннис. Мый, ава да тренер семын, ӱдыремын ӱстел теннис дене Башкортостан Республикын сборный командышкыже логалмылан моткоч куаненам. Тудо «ГАЗПРОМ ТРАНСГАЗ Уфа» ООО-н командыштыже лийын. Южо еҥже, очыни, «ГАЗПРОМЫН спартакиадыже» тыглай моло таҥасымаш деч нимо денат ок ойыртемалт манын шона.

Но тиде чылт изи олимпиада гай, тушто моткоч уста спортсмен-влак шке вийыштым тергат. Тыгай таҥасымашке логалаш пеш пеҥгыде текшырымашым эрташ, шке кундемыште икымше лияш кӱлеш. Кажне кечын тренироватлалтмаш, сеҥаш тыршымашын лектышыже уло. Дарина 2019 ийыште Башкортостан Республикын первенствыштыже 12 ияш марте ийготан-влак коклаште чемпион лийын,

16 ияш марте коклаште той призер да 19 ияш-влак марте коклаште той призер лийын. Тидыже тудлан ты Спартакиадыш каяш путевкым пуэн. Тудын дене пырля командыште тӱрлӧ олала гыч рвезе-влак участвоватленыт: Эмиль Хисматуллин (Стерлитамак), Тагир Исянбаев (Сибай), Полина Сабирова (Красноусолький села).

Дарина могай верым налын? Кугешнен каласен кертам, тудо эн тале кандаш спортсмен коклашке логалын. «8-ше вер сай мо?» - йодшо лектеш, очыни. Россий кӱкшытыштӧ 8-ше вер тиде моткоч сай! Дарина, мый тыйым сайын выступатлымет дене саламлем! Тый молодец улат! Мый тый денет кугешнем!

Н. АПСАТАРОВА.