Районышто шахмат дене таҥасымаш эртен

Районышто шахмат дене таҥасымаш эртен

2019 ий 4 мартыште Мишканыште ДЮСШ-н спортзалыштыже районысо школьник-влакын спартакиадышкышт зачетлан шахмат дене таҥасымаш эртен. Таҥасымаште 13 школ гыч тунемше-влак участвоватленыт. Кажне командыште 3 эрге да 1 ӱдыр лийын.

Икымше верышке Изи Накаряк школын командыже лектын. Кокымшо вер чорай-влаклан логалын, кумшо верым Мишкан селасе 2 №-ан школын командыже налын.

Сеҥыше ден призер-влак диплом дене палемдалтыныт.

В. Аглямова.