«Порылыкым пӧлекле» ушем ече дене таҥасымашке ушнен

«Порылыкым пӧлекле» ушем ече дене таҥасымашке ушнен

Шукерте огыл Ирсай ялыште СССР спортын мастерже-влак Алексей, Ирина да Игорь Ишмурзинмытын призыштлан ече дене

X таҥасымаш эртен, таҥасымаш Кугу Отечественный сарыште Сеҥымашлан 75 ий теммылан лӱмлалтын.

Таҥасымашке «Порылыкым пӧлекле» ушем ден РДШ да «Самырык Гвардийын» верысе пӧлкажын чолгаеҥже-влакат ушненыт. Старт деч ончыч ечызе ден ончаш толшо-влакым Ирсай сельсовет селький поселений администраций вуйлатыше Станислав Хазиев саламлен да чылаланат финишыш алал кумыл дене пӧртылаш тыланен. Тылеч вара СССР спортын мастерже Игорь Ишмурзин таҥасымашын правилже-влак да тудым эртарыме радам дене палдарен. Таҥасымашым эртараш Ирсай ялысе Л. Саляева вуйлатыме «Порылыкым пӧлекле» ушем полшен.

Стартышке тиде кечын шӱдӧ утла ечызе лектын, нуно ийгот шотышто 10 тӱшкалан шелылтыныт. Волонтер-влак уна-влакым

регистрироватлаш полшеныт да таҥасымаш годым правилым шуктымым эскереныт. Сеҥыше ден призер-влакым медаль дене

палемдымаштат участвоватленыт.

Тыгай таҥасымаш-влак калыкым таза илышым илаш да спорт дене кылым кучаш кумылаҥдат. Вет спорт – тиде чолгалык, а чолгалык – илыш!