Мардеж дене таҥасен

Мардеж дене таҥасен

Таҥасымаште 2004-2005 ийлаште да 2006-2007 ийлаште шочшо ӱдыр ден рвезе-влак участвоватленыт.

Мишкан районын сборный командыже ДЮСШ-н лу тунемшыже да кок тренер-преподаватель гыч шоген. Вигак каласена, мемнан

спортсменна-влак сай результатым ончыктеныт.

Ечызе-влак командный первенствылан кок кече таҥасеныт: икымше кечын классический ход дене куржыныт, кокымшо кечын -

эрыкан ход дене. Дистанций-влак 3 да 5 километр гыч шогеныт. Игече таҥасаш пеш келшыше лийын, ныл градус йӱштӧ шоген.

Команда-влакын таҥасымашыштым иктешлыме годым 2004-2005 ийлаште шочшо-влак коклаште мемнан команде республикысе 21 команде кокла гыч 4-ше верым налын, а 2006-2007 ийлаште шочшо-влак команде визымше лийын.

Эн сай результатым классический ход дене кум километран дистанцийым куржмаште Константин Исакаев ончыктен - 2-шо вер, эрыкан ход дене 5 километрым куржмаште - 3 вер (тренер-преподаватель Станислав Сагитов, Ардаш школ). Алексей Аликов классический ход дене 5 километран дистанцийыште 2-шо лийын (тренер-преподаватель Валентин Байметов, Монар школ),

Светлана Яндубаева эрыкан ход дене 5 километрым куржмаште 3-шо верым налын (тренер-преподаватель Леонид Байрамов,

Тымбай школ).

В. АГЛЯМОВА (ДЮСШ-н материалже негызеш).