+34 °С
Ясно
СПОРТ
31 Декабря 2020, 21:00
«КРУС» кубок
27 июльышто Мишкан селаште Региональный футбол вияҥмылан лӱмлалтше мини-футбол дене пайрем турнир эртен.
«КРУС» кубок
«КРУС» кубоклан модмаш Мишкан селасе «Тазалык» физкультурно-тазартыме комплексыште эртен. Турнирыште «СССР»
(Уфа ола), «Танып» (Бурай села), «Маска» (Мишкан села), «Олимп» (Мишкан села) команда-влак модыныт. «КРУС» кубоклан
икымше модмаш 2006 ий 13 майыште эртен, тылеч вара тиде турнир идалык еда эртаралтеш.
Модмаш деч ончыч футболист ден ончаш толшо-влакым район администраций вуйлатышын кадр да социальный йодыш-влак
шотышто заместительже Л. Александрова саламлен. Салам шомакше деч вара турнирын унаже Д. Петровым, В. Сафоновым
да В. Садиковым тауштыме серыш дене палемдыме. Модмаш деч ончыч мутым тыгак турнирын тӱҥ судьяже да тренер
В. Каляевлан пуымо. Спортсмен-влакым саламлымаш деч вара тудым йоча ден самырык-влакым спорт дене кылым кучаш
кумылаҥдымыжлан тауштыме серыш дене палемдыме.
Тылеч вара модмаш тӱҥалын. Турнирыште Бурай селасе «Танып» команда сеҥен, Мишкан селасе «Олимп» команда кокымшо лийын (нуно тений «Оралте футбол-2019» модмаште сеҥеныт), Уфа оласе «СССР» ден Мишкан селасе «Маска» команда-влак кумшо верым пӧленыт.
Гузель ЯХИНА.
