+13 °С
Облачно
СПОРТ
31 Декабря 2020, 21:00
Эн туран лӱйкалыше-влакым рашемдыме
Шукерте огыл «Путник» йоча-юношеский туризм рӱдерыште пулевой лӱйкалымаш дене таҥасымаш эртен.
Эн туран лӱйкалыше-влакым рашемдыме
Таҥасымаш «Пашалан да карум пуаш ямде» («Готов к труду и обороне» - ГТО) всероссийский физкультурно-спортивный комплекс фестиваль кышкарыште эртен да Афганистан гыч совет войска-влакым лукмо кечылан лӱмлалтын. Мероприятий «Триумф» физкультурно-тазартыме комплексыште эртен. Таҥасымашке районысо 11 школ гыч 60 утла тунемше погынен.
Лӱйкалымаш дене таҥасымаш почылтмо лӱмеш торжественный церемонийыште салам шомак ден сугынь мутым афган сарын ветеранже-влак ойленыт.
Таҥасымаш ийгот шотышто кум тӱшка коклаште эртен: III ступень – 11-12 ий; IV ступень – 13-15 ий; V ступень – 16-17 ий. Команда-влак ныл еҥ гыч шогеныт: 2 эрге да 2 ӱдыр. Нормативым темаш участник-влаклан лўен ончашышт кум пульым да зачатеш пуртен лўяшышт вич пульым пуымо. Сеҥышышке эн туран лӱйкалыше-влак лектыныт. Лўйкалыше-влак коклаште иканаште азарт ден шекланымаш шижылтыныт – кажныжын лӱйкален ончымыжо шуын, тидын годымак чыланат тореш лўяш лўдыныт. Туге гынат, чыланат сеҥымаш верч пеҥгыдын кучедалыныт.
Личный зачетышто Ардаш, Новотроицкий, Кӱрзе, Пӱрӧмучаш да 2 №-ан Мишкан кыдалаш школлаште тунемше-влак ойыртемалтыныт. Таҥасымаш деч вара ӱдыр-рвезе-влакымат чылаштымат, вуйлатышышт дене пырля, буфетыште пукшымо.
В. АГЛЯМОВА (материалым «Путник» йоча-юношеский туризм рӱдер пуэн).
