«Лабиринтыште» кузе йомаш огыл

13 гыч 16 октябрь марте леведышан помещенийыште «Лабиринт» спортивный ориентирований дене таҥасымаш эртен.

Тудын цельже - спортивный ориентированийым пропагандироватлаш, спортсмен-влакын мастарлыкыштым нӧлталаш да виян спортсмен-влакым рашемдаш. Таҥасымашке Мишкан селасе образовательный учреждений-влакын командышт пурталтыныт. Кажне класс шке командыжым луктын. Тунемше-влак (5-8 класс-влак) кажне кечын «Путник» йоча-юношеский туризм рӱдерыш погыненыт. Таҥасымаш кажне класслан посна эртаралтын.

Лабиринтыште ориентирований - тиде спортын у видше, тудо кажне гана шке радамышкыже шукырак да шукырак участникым уша. Лабиринтыште участвоватлаш нимогай ешартыш аксессуар огеш кўл. Лабиринтыште ориентированийын ик ойыртемжылан шуко контрольный пунктын улмыжо шотлалтеш.

Иктешлымаш ончыктен, визымше, кудымшо, шымше, кандашымше класслаште тунемше-влак коклаште 1 №-ан лицейын командыже-влак ойыртемалтыныт. Сеҥышыш лекше кажне классын командыже районысо образований отделын грамотыж дене палемдалтеш.

В. АГЛЯМОВА.