Келшымаш
-10 °С
Пылан
Все новости
СПОРТ
7 Сорла 2020, 15:31

Сеҥымаш дене саламлена!

Чорай ялысе Я. Ялкайн лӱмеш марий гимназийыште тунемше Данила Иркабаев физический культура дене Всероссийский олимпиадын призержо лийын

Сеҥымаш дене саламлена!
Чорай ялысе Я. Ялкайн лўмеш марий гимназийыште тунемше Данила Иркабаев физический культура дене Всероссийский олимпиадын призержо лийын.
27 июльышто Мишкан район администраций тудлан призерын дипломжым кучыктен.
Тудо тренер-влак Лариса ден Сергей Мурзашевмытын воспитанникше улеш. Куштылго атлетика дене кудымшо классыште заниматлалташ тӱҥалын. Тиддеч вара ятыр республиканский да всероссийский таҥасымашлаште участвоватлен. Ик гана веле огыл сеҥышыш лектын. 2018 ийыште республиканский командын составше дене Анапыште лийын. Команда кокымшо верым налын.
2020 февральыште Данила физический культура дене школьник-влакын всероссийский олимпиадыште финалыш лектын. Теве кужун вучымо награда - торжественный обстановкышто тудлан призерын дипломжым кучыктымо.
Рвезе ЕГЭ-м сайын сдатлен, кызыт вузыш пураш ямдылалтеш.
Школьник-влакын всероссийский олимпиадышт - мемнан элыште престижный манме олимпиада. Тудо ныл этап гыч шога: школьный, муниципальный, региональный да заключительный. Заключительный этапыште сеҥыше да призер-влак профильный вузлашке экзамен деч посна налылтыт.
Данилам сеҥымаш дене саламлена да эшеат кугурак кӱкшытыш шуаш тыланена!
В. АГЛЯМОВА.