Чапле юбилей

Тений 2 августышто ик эн шоҥго спортсмен, мемнан районышто гына огыл, а Башкортостан Республик мучко кумдан палыме Сергей Салякинович Салякинлан 90 ий темын.

Чапле юбилей

Ийготшо кугу гынат, Сергей Салякинович ялын, Мишкан сельсовет сельский поселенийын мер илышыштыже чолган участвоватла. Телым тудо ече дене коштеш, районный таҥасымашлаште участвоватла да илалше еҥ-влаклан таза илыш-йӱлам кучымо шотышто примерым ончыкта.

Район администрацийын, районысо ветеран-влак советын, физический культура, спорт, туризм да молодежный политика шотышто комитетын представительже-влак юбилярым мӧҥгыштыжӧ саламленыт да Россий Федераций Президент деч Тауштыме серышым, шергакан пєлекым да сувенирым кучыктеныт. «Самырык гвардий» верысе отделенийын вуйлатышыже Ольга Биктубаева палемден, Сергей Салякинович пеҥгыдылык, чолгалык, таза илыш-йӱлам кучымо шотышто районысо самырык-влаклан сай пример улеш.

Тудо мемнан сай йолташна да наставникна улеш, - манын тудо. Сергей Салякин верысе самоуправлений орган-влаклан, саламлаш толшо-влаклан тауштен, таза илыш-йўлам кучымын илалше-влаклан гына огыл, а самырык-влакланат, пайдалыкше

нерген ушештарен. Уна-влакым ужатыме годым юбиляр гармонь дене йӧратыме семжым шоктен, а ватыже сем почеш муралтен. Тыгай чолга еҥ-влакым ончен, ўшаныме шуэш, кызытсе молодежлан таза илыш-йўлам кучымаш нормыш пура. А тидыже таза нацийым куштымын негызше улеш.

О. БИКТУБАЕВА.