+22 °С
Облачно
Сеҥымашлан 75 ий
31 Декабря 2020, 21:00
«Шарнымаш пырдыж» акций
Жап писын эрта, Кугу Отечественный сар жап утыр шеҥгелан кодеш
«Шарнымаш пырдыж» акций
Тиде сар нерген ятыр еҥ мондаш тӱҥалын, мемнан тыныс илышна верч илышыштым пуышо салтак-влакат мондалтын кертыт.
Тыгай ынже лий манын, Кугу Сеҥымашлан 75 ий темме вашеш тӱрлӧ мероприятий-влак эртаралтыт. Нунын кокла гыч иктыже – «Шарнымаш пырдыж».
Тыгай лӱман акций мемнан районышто 9 Май пайрем вашеш эртаралтын. Мишкан да Бурай районласе военный комиссариатын ойжо почеш РДК ончылно шогышо Той салтак памятник постамент йыр Кугу Отечественный сарын участникше-влакын фотографийыштым пижыктыме.
Акцийышке Мишкан да Бурай районласе военный комиссариат, районысо ветеран-влак совет, самырык-влак дене паша шотышто отдел, «Путник» туризм рўдер да самырык армеец-влак ушненыт. Пайрем кечын памятник ончылно йӱлышӧ сорта-влакым шындылын «75 лет» манын возымо да пеледыш аршаш-влакым пыштыме. Сеҥымаш кечын Кугу Отечественный сарыште кредалше-влакым тыге жаплыме. Икманаш, кугезына-влак огыт мондалт!
Кугешнена! Шарнена! Пагалена!
В. АГЛЯМОВА.
