+31 °С
Облачно
Сеҥымашлан 75 ий
31 Декабря 2020, 21:00
Сеҥымашлан 75 ий темме вашеш
Кугу Отечественный сарын ветеранже-влак шочмо элнан историйыштыже аклаш лийдыме надырым пыштеныт. Кугу Сеҥымашлан 60 ий теме вашеш районышто «Они вернулись с Победой» книгам савыктен лукмо. Чаманаш веле кодеш, тиде легендарный летописьыш чыла фронтовикын лӱмжӧ пурталтын огыл. Кугу Сеҥымашлан 75 ий теме вашеш ту книгашке логалдыме фронтовик-влак нерген материал-влакым савыкташ тӱҥалына. Сандене шкендан шочшыдан данныйже-влакым районысо ветеран-влак советыш але районный газетыш увертараш йодына.
Сеҥымашлан 75 ий темме вашеш
Кугу Отечественный сарын ветеранже-влак шочмо элнан историйыштыже аклаш лийдыме надырым пыштеныт. Кугу Сеҥымашлан 60 ий теме вашеш районышто «Они вернулись с Победой» книгам савыктен лукмо. Чаманаш веле кодеш, тиде легендарный летописьыш чыла фронтовикын лӱмжӧ пурталтын огыл. Кугу Сеҥымашлан 75 ий теме вашеш ту книгашке логалдыме фронтовик-влак нерген материал-влакым савыкташ тӱҥалына. Сандене шкендан шочшыдан данныйже-влакым районысо ветеран-влак советыш але районный газетыш увертараш йодына.
Тудо Сеҥымаш дене пӧртылын
Дмитрий Игнатьевич Игнатьев 1921 ий 10 февральыште Пӱнчер ялыште шочын. Чорай школышто 7 классым тунем пытарымеке, 1936 ийыште «Ушем» колхозышто пашам ышташ тӱҥалын.
1940 ий 24 сентябрьыште Д. Игнатьевым Йошкар Армий радамыш налыныт. Кугу Отечественный сар тӱҥалме годым тудо срочный службым эртен.
Сарыште 678-ше посна танковый батальонышто механик-водитель лийын. Маньчжурийыште япон войскан группировкыжым кырен шалатымаште участвоватлен.
Отечествым аралымаште лӱддымылыкым да геройлыкым ончыктымыжлан «За отвагу», «За победу над Германией в Великой Отечественной войне 1941-1945 гг», «За победу над Японией» медаль-влак дене наградитлалтын.
1946 ий 22 августышто демобилизоватлалтын. Воинский званийже - сержант.
Сар деч вара Чорай МТС-ын тракторный бригадын бригадирже лийын. 1951 - 1953 ийлаште Белебейысе механизаций школышто тунемын, варажым Калинин лўмеш колхозышто тӱҥ инженерлан ыштен. Ял озанлыкыште пашам сайын ыштымыжлан ик гана веле огыл грамота, значок, медаль дене наградитлалтын.
Ватыже Мария Ахмазиевна дене куд икшывым ончен куштеныт, чылаштлан образованийым пуэныт.
Сарын участникше Дмитрий Игнатьевич Игнатьев 1978 ий 21 августышто колен. Шочмо ялысе Сеҥымаш мемориалыште лўмжым чапландарыме.
В. АГЛЯМОВА (материалым районысо ветеран-влак совет пуэн).
