Кужу ӱмыр - еҥ-влакым пагалымылан ак

Кужу ӱмыр - еҥ-влакым пагалымылан ак

Тиде кечын юбилярым саламлаш Мишкан районысо ветеран-влак совет председатель Ю. Балахнина, Мишкан да Бурай районласе военный комиссар С. Васильев, Кӱрзе сельсовет сельский поселений вуйлатыше Ю. Андреева, Кӱрзе сельский поселенийын тӱҥалтыш ветеран организацийын председательже Г. Капурова, Кӱрзе кыдалаш школын юнармеец ден волонтержо-влак, «Самырык гвардийын» активистше-влак миеныт.

Фронтовиклан юбилей кечын РФ Президент В. Путин деч саламлымаш серышым, Башкортостан Республик Вуйлатыше Р. Хабиров деч саламлымаш телеграммым кучыктымо.

Ветеран Памаш ялыште шуко икшыван колхозник-влак ешыште шочын. Памаш тӱҥалтыш школым пытарен. Тудлан Яман-Елгаште чодырам руашат верештын. Фронтыш каяш повесткымат туштак налын.

1943 ийыште армийыш каен. 1-ше Украинский фронтышто служитлен. Украиным, Польшым, Чехословакийым утарен, Германийым сеҥен. III степенян Чап орден, II степенян Отечественный сар орден, «За освобождение Праги», кок «За отвагу» медаль-влак дене наградитлалтын. Сеҥымаш кечым Прага воктене вашлийын.

Павел Байметович 1948 ийыште демобилизоватлалтын.

Сар деч вара сулен налме канышыш лекмешкыже Карл Маркс лӱмеш колхозышто ыштен - вольыкым ончен, апшат лийын. Ватыж дене пырля 4 икшывым ончен-куштеныт. Чаманаш веле кодеш, ватыже Сеҥымаш кечылан юбилей ий марте илен шуктен огыл. Кызыт Павел Байметович шкетын ила. Ты ялыштак тудын эргыже ила. Чыла шотыштат ачажлан полышкалыше да эҥертыш улеш. Ветеранын 10 уныкаже, 12 кугезе уныкаже уло. Нуно чыланат кочаштым чот йӧратат.

Ме юбилярым Сеҥымаш кече дене саламлена да пеҥгыде тазалыкым, лишыл еҥ-влакын йєратымашыштым, вуй ӱмбалне яндар кавам тыланена.

Венера АГЛЯМОВА.