+14 °С
Облачно
Сеҥымашлан 75 ий
31 Декабря 2020, 21:00
Кочана ден кугезе кочана-влакым пагален
Коронавирус шарлен гынат, Мишкан районышто Кугу Отечественный сарыште Сеҥымашлан лӱмлалтше мероприятий-влак кажне илемыште эртеныт
Кочана ден кугезе кочана-влакым пагален
2020 ий 9 майыште эрдене эрок ломбо пеледаш тӱҥалын, тамле пуш уремла мучко шарлен да пайрем шӱлышым ешарен. Мишкан уремлаште ямым тыгак тӱрлӧ кайык-влак пуртеныт – нуно нимучашдыме ямле мурым муреныт.
А РДК ончылно 9 Май пайрем толмым Той салтак барельеф йыр пижыктыме фотографий-влак ушештареныт. Тиде суапле пашам самырык гвардеец-влак ыштеныт.
Икманаш, самоизоляций жапыштат шучко тушманым сеҥыше кугезына-влакым жаплаш йӧным муынна. Ончыл ийласе семынак Мишкан уремла дене ретротехника парад эртен. Тиде парадым ончаш селасе уло калык лектын. Шукышт тидын годым Кугу Отечественный сарыште кредалше кугезыштын фотографийыштым кучен шогеныт. Парад ондак Ирсай ял урем дене эртен, варажым колонна Кугу Отечественный сарын ветеранже Шамиль Разяпович Сабирзянов илыме урем дене каен. Шамиль Разяпович немыч-влак дене Курский дугаште кредалын, тиде шучко, но геройло кредалмаш деч вара тушманым элна гыч поктен колташ полшен. Фронтовикым саламлымашке Мишкан район МР администраций вуйлатыше П. Трапезников, районысо ветеран-влак организаций вуйлатыше Ю. Балахнина, Мишкан да Бурай районласе военный комиссар С. Васильев, самырык гвардеец-влак ушненыт.
Ветераным саламлымаш деч вара колонна Мишкан уремла дене умбакыже эртен.
В. КОНДОГИН.
