Жап шижде эртен...

Жап шижде эртен...

Смена мучко лагерьыште алал кумыл, йомартле койыш, оҥайлык озаланеныт. Ик эн волгыдо да оҥай мероприятий – лагерьым почмаш лийын.

Лагерьын администрацийже тений икымше сменан участникше-влаклан оҥай сюрпризым ямдылен – «Кугу шӱвыроҥ шоум». Кугу деч кугу шӱвыроҥ-влак дене жонглироватлымаш йоча-влакын кумылыштым чылт савырен. Йоча-влак кокла гыч ятырже кугу шӱвыроҥ кӧргыш логалын да юзо вий

дечын шонымашыжым шукташ йодын кертын.

Йоча-влаклан эше «Нептун кече», «Лагерьын мистерже ден миссше», «Талант-влак тӱшкашӱдыр» мероприятий-влак келшеныт. Тыгак кужу жап Мишкан РДК-н артистше-влакын выступленийыштым, МЧС пашаеҥ-влакын туныктымыштым шарненыт. Калыклан паша верым ситарыше рӱдерын Мишкан районысо отделжын пашаеҥже-влак «Компас почеш профессий сандалыкышке» модмашым эртареныт.

Смена мучко лагерьыште тӱрлӧ кружок-влак пашам ыштеныт, пионербол, футбол, волейбол, ӱстел теннис дене модмаш-влак эртаралтыныт. Лагерьын икымше сменаже петыралтме лўмеш торжественный линейкыште образований отделын начальникше Сергей Александров, йоча-влаклан канышым да тазартымашым организоватлыме шотышто специалист Алена Килинбаева, лагерьын директоржо Родион Шайбаков выступатленыт. Нуно йоча-влакым смена пытыме дене саламленыт да кеҥежым сайын, пайдалын канаш тыланеныт.

Смена петыралтме годым флагым волташ чапым лагерьын илышыштыже сай могырчын ойыртемалтше-влаклан пуымо. Лагерьын илышыштыже ойыртемалтше моло ӱдыр-эрге ден вожатый-влакым торжественный линейкыште палемдыме. Палемдымаш деч вара йоча-влак вожатый-влак

дене пырля ямдылыме флешмобым ончыктеныт.

Линейка деч вара чыланат возалтыныт. Кастене сценыште йоча-влак ямдылыме эн сай концерт номер-влакым ончыктымо. Лагерьыште жап чынжымак

шижде эртен каен. Чеверласашат тат шуын. Тидын годым чыланат пырля эртарыме кече-влакым шарналтеныт. Ӱдыр-эрге-влаклан икте-весышт дене чеверласаш неле лийын, ятыр йоча шӱлыкаҥын, южыжын эсогыл шинчавӱдшат койын... Но шӱлыкаҥаш амал уке. Вет вашке «Старт» лагерь уэшын шке

омсажым почеш да кокымшо смена тӱҥалеш.

В. АГЛЯМОВА (материалым Образований отдел пуен).