+13 °С
Облачно
Увер
31 Декабря 2020, 21:00
Жап дене тӧр
Жилкомхозын электрикше-влак бригада Больничный, Тополиный, 65 лет Победы уремлаште панар-влакым вераҥдашлан электропередача линийым шупшеш. Электромеҥге-влак лишыл жапыште шогалталтыт да вашке нине урем-влакым волгыдо панар-влак волгалтарышаш улыт.
Жап дене тӧр
- Волгалтарыше магистральын кужытшо 4 километр. Тушто 27 панар вераҥдалтеш, - палдарен Мишкан сельсовет СП вуйлатыше Р. Ишмакаев. – Ме калыкын йодмашыжым эре шуктен шогаш да селанам кертмына семын тӱзаташ тыршена. Чаманаш кодеш, но уремым волгалтарыме пашам эше мучаш марте шуктымо огыл, экшык-влакат лектын шогат. Шукерте огыл ме 58 панарым рончен волтенна, нуным гарантийный ремонтым ышташ пуенна. Лишыл жапыште нине панар-влак олмыкталтыт да ожсо олмыштышт вераҥдалтыт.
Мишкан села палын кушкеш. У урем-влак шочмо деч вара нуным волгалтарыде ок лий, вет волгыдо цивилизацийын сынже.
Вениамин КОНДОГИН.
