+12 °С
Облачно
Увер
31 Декабря 2020, 21:00
«Йомак дене унала»
2019 ийыште ик январь кечын «Еш» кас-йӱдвел межрайонный рӱдерын Мишкан районысо отделже Йылыш ялыште «Йомак дене унала» еш дене каныш кечым эртарен.
«Йомак дене унала»
Каныш кече Театр идалыклан лӱмлалтын да еш илышым пеҥгыдемдаш виктаралтын.
Мероприятий кышкарыште Йылыш школышто тунемше-влак изи спектакльым ончыктеныт. Нуно тыгак тӱрлӧ квестлаште участвоватленыт.
Тӱҥалтыш класслаште туныктышо-влак М. Аплекова, Э. Сайфутдинова, Ж. Апкаликова чиян картон гыч театральный маска-влакым ыштыме шотышто мастер-классым ончыктеныт, оригами техника дене палдареныт. «Еш» рӱдер пашаеҥ-влак кумылан-влаклан «Йоча илышыште йомакын рольжо» тема почеш консультацийым эртареныт. Пайремыш толшо уна-влаклан организацийын пашаж дене палдарыше буклет-влакым шалатеныт.
Икманаш, пайрем йомартлын да пайдалын эртен.
Фирдаус КАДИКОВА ямдылен.
