+12 °С
Облачно
Увер
31 Декабря 2020, 21:00
Йомак чыныш савырнен
Районысо Культура дворецыште шуко икшыван ешласе да тулык йоча-влаклан У ий пайрем эртен
Йомак чыныш савырнен
Тиде кечын залыште тӱрлӧ карнавальный костюмым чийыше йоча-влак шукын лийыныт.
Кӧ гына тыште лийын огыл? Кариб теҥыз гыч пират-влак вуйым кӱш нӧлтен коштыныт, колаш мондышо Кощей лулегыж дене шолдыртатен, мотор лыпыне-влак чоҥештылыныт, Йӱштӧ кува ден уныкаже, Лумӱдыр, моло-влакым куанен онченыт, а кӱшычын чыла тиде сўретым Эҥыремыш айдеме тӱткын эскерен, иктажлан полыш кӱлеш гын, тыманмеш
полшаш волаш ямде лийын.
Йырым-ваш веселан юарлыме йӱк йоҥга. Сцена гыч пайремыш толшо йоча-влакым да нунын ача-аваштым район администраций вуйлатышын социальный йодыш шотышто
заместительже Л. Александрова саламлен да чылаштлан пеҥгыде тазалыкым, тунеммаште у сеҥымашым, весела каникулым тыланен. Вара йоча-влак йомак тӱняшке логалыныт. Культура дворецын пашаеҥже-влак нунылан «Вувер кува ден Таргылтышын орадыланымышт» театрализованный представленийым ончыктеныт.
Вувер кува ден Таргылтыш йоча-влакын пайремыштым поген налнешт. А ты шонымашкышт шуаш нуно Лумӱдырым шолыштыт. Йӱштӧ кугыза ден Йӱштє куван уныкаштым кычалаш Маша ден Лумгурчак каят, варарак нунын деке Йӱштӧ кугыза шкежат ушна.
Чоя Вувер кува ден Таргылтыш Йӱштӧ кугыза деч шонымашкышт шуаш полшаш йодыт, вара веле тудлан уныкажым пєртылташ сєрат. Чылан палат, У ий годым кеч-могай шонымашат чыныш савырнен кертеш. Тыгак Вувер кува мотор модельыш савырна, а Таргылтыш теҥыз воктене полатым налеш. Лумўдыр йолташыже-влак коклашке пєртылеш, пайрем умбакыже шуйна…
Пытартышлан пайремыш толшо йоча-влак Йӱштӧ кугыза деч тамле пӧлекым налыныт.
Венера АГЛЯМОВА.
