+11 °С
Облачно
Увер
31 Декабря 2020, 21:00
Йодыш-вашмут
Районысо ситыдымаш-влакым рашемдена да нуным кораҥдаш йӧным кычалына.
Йодыш-вашмут
Республика вуйлатышын пашажым жаплан шуктышо деч полшаш йодмаш. Тӧргымтўр, Пўнчер, Кугу Соказа яллаште илыше-влак уремлам волгалтараш, вўдурем ден изи уремлаште лумым эрыкташ полшаш йодыныт.
Мишкан район МР администраций вуйлатыше Р. Мусинын мутшо почеш, Тӧргымтўр, Пўнчер, Кугу Соказа яллаште уремлам волгалтарыме пашам ыштыме шотышто документаций проектно-сметный экспертизым эрта. Уремлам волгалтарыме паша 2019 ийыште «Волгыдо ола» республиканский программа кышкарыште ышталтеш. Мишкан районысо корным кызыт «Бирский МТС» МУП эрыкта. Иктаж вере лум эрыкталтын огыл гын, 83478445206 телефон дене йыҥгыртен увертарыман.
Вес вуйшиймаш йыр корно гыч Уял марте корным волгалтарыме дене кылдалтын. Мишкан сельсовет сельский поселений администраций
вуйлатыше Р. Ишмакаевын мутшо почеш, йыр корно деч Уял марте вераҥдаш панар-влак лишыл жапыште налылтыт. Панар-влакым вераҥдыме паша 2019 ий 15 февраль марте пытаралтшаш.
Ф. КАДИКОВА ямдылен.
