Йоча-влак верч азапланен

2018 ийыште школ-влакым у тунемме ийлан ямдылыме кышкарыште школ ден йоча сад-влакым олмыктымылан кугу вер ойыралтын. Ардаш, Кугу Соказа кыдалаш, Новотроицкий, Ленинский тўп общеобразовательный школлаште тошто, пу да шўч дене олтымо котел-влакым вашталтыме. Ынде нине школлаште тунемше-влак шокшо класслаште шинчат.

Школ-влакым у тунемме ийлан ямдылымаште «Единая Россия» партийын «Раш паша» проектше суапле надырым пыштен. Партийын ойырымо окса дене Кугу Соказа кыдалаш, Памаш тўҥалтыш, Кўшыл Шогертен тўҥалтыш школлаште тєрза-влакым вашталтыме, Кемий кыдалаш да Новотроицкий тўп общеобразовательный школлаште спортзалыште да коридорышто кўвароҥа-влакым вашталтыме, Кугу Шаде школышто спортзалыште ырыктыме у батарей-влакым шындыме, Пєкленде школышто школ леведышым уэмдыме.

Верысе инициативылан полшымо программа дене Монар кыдалаш школышто спортивно-модмо комплексым налме да шындыме, Тымбай школышто тошто тєрза-влакым у пластик окналан вашталтыме.

Образований отдел, школын администрацийже-влак пожарный безопасность шотышто кугу пашам шуктеныт: 8 школышто, 6 йоча садыште, «Путник» йоча-юношеский туризм рўдерыште пожарный охранын пультышкыжо сигналым колтышо прибор-влакым вераҥдыме, ончыкыжым тыгай прибор-влак тўҥалтыш школлаште шындалтыт.

Йоча садлаште пропускной система-влак, кум школышто турникет шындалтыныт.

Кодшо тунемме ийыште ача-ава-влак коклаште аутсоринг кугу тургыжланымашым луктын. Йоча-влак кочкыш тамле огыл улмылан вуйым шийыныт, шукышт кочмым чарненыт. Ынде тиде йодыш решатлалтын, ожнысо гаяк шкенан-влак пукшаш тўҥалыт. У тунемме ийлан столовый-влак у техника дене оборудоватлалтыныт: холодильникым, морозильникым, шолташ котел-влакым, атышєрым налме. Ынде повар-влак йоча-влаклан тамле да тутло кочкышым пукшен кертыт.

Кодшо тунемме ийыште республика кўкшытыштє шокшо туалет-влакым ыштыме йодыш нєлталалтын. Мемнан районышто ты проблема контрольыш налылтын. Тенийсе тунемме ийыште республикын бюджетше гыч 500 тўжем теҥгем ойырымо. Тиде окса дене Кемий кыдалаш школышто шокшо туалет чоҥалтын. Эше 28 тыгай туалетым ышташ йодмаш пуалтын.

Ынде ятыр ий тунемше-влакым школышко автобус дене шупшык- тат. Автобус кажне кыдалаш школышто уло, но шукыжын эксплуатироватлыме жапше эртен. Тенийсе тунемме ийыште нуным уэмдаш тўҥалыныт. 2018 ий шошым райцентрысе 2 №-ан школлан у ПАЗ автобусым налме, идалык мучаште Ф. Буляков лўмеш 1 №-ан лицейлан, Я. Ялкайн лўмеш марий гимназийлан, Кугу Шаде школлан у автобус-влакым налме. Нине школлаште тунемше-влак ынде шокшо автобус дене коштыт.

Венера АГЛЯМОВА.