Йоча тўняшке пуртышо пєрт

Йоча тўняшке пуртышо пєрт

100 ияш юбилейлан лўмлалтше мероприятий «Путник» рўдерын холлыштыжо эртен. Тышке педагогический пашан ветеранже-влак, район администраций вуйлатыше Р. Мусин, образований отдел начальник С. Александров, тунемше да туныктышо-влак ўжылтыныт.

Уна-влаклан ешартыш образований учрежденийыште тунемше-влакын пашаштым, методический пашам ончыктышо выставка, воспитанник-влакын се‰ымашыштым палемдыше грамота, приз, свидетельство-влак ончыкталтын. Варажым уна-влак калык образованийын историйжым ончыктышо музейышке миеныт.

Российыште ешартыш образований системым ыштыме историй нерген пайрем мероприятийым вўдышє У. Небогатикова каласкален:

- Российыште ешартыш образований система урок деч варасе паша, урок деч варасе воспитаний йєн-влак кўшеш шочын, а тыгайже Российыште эше 19 курым мучаштак лийын, - шке выступленийжым тў‰алын тудо.

- Но государство кўкшытыштє школ деч варасе образованийым вия‰дыме нерген пунчалым 1917 ийыште гына, РСФСР калык

комиссариатыште внешкольный образований отделым почмеке, лукмо. 1918 ийыште икымше внешкольный учреждений - Сокольникыште пўртўсым йєратыше самырык-влакын станцийышт почылтын. Лач тиде ий ешартыш образований системын шочмо

ийжылан шотлалтеш.

Тиддеч вара ик курым эртен, тиде система моло тў‰алтыш-влак семын йомын огыл, а вия‰ын веле толын. Ешартыш образований системын инфраструктурыштыжо кызыт 16 тўжем учреждений уло, тушто Россий мучко 6 гыч 18 ияш марте лу миллион йоча тунемеш.

Мемнан районышто ешартыш образованийым пуышо кум учреждений уло - «Путник» йочаюношеский туризм рўдер, тушко шукерте огыл «Виктория» патриотический клубым да Пионер ден школьник-влак пєртым ушымо; ДЮСШ (спортшкол), тушко физкультурно-тазартыме комплекс ушнен; Культура министерство линий дене - Йоча искусство школ. Нине учрежденийлаште 3145 йоча тунемеш.

2017 ий гыч «Путник» туризм да патриотический рўдер районышто «Юнармия» общероссийский йоча движенийым курироватла. Ик ий

жапыште юнармеец радамыш 100 самырык патриот пурен. Организацийлан 100 ий темме лўмеш эртарыме мероприятийыште эше 41

самырык е‰ шочмо эллан ўшанле улмыж нерген товатмутым пуэн. «Юнармия» общественно-патриотический движенийын знакшым

нунылан верысе штабын начальникше С. Александров, Мишкан да Бурай районласе военный комиссариатын старший мичманже

О. Саликов кучыктеныт. Погынышо-влак ончылно район администраций вуйлатыше Р. Мусин, районысо ветеран-влак советын представительже, ветеран-влак совет президиумын членже, БР-ын заслуженный строительже Р. Буляков, «Виктория» молодежный рўдерын икымше вуйлатышыже, кызыт «Безопасный регион» компанийым вуйлатыше И. Салихов саламленыт да юбиляр-влаклан шергакан пєлекым кучыктеныт. Ильдар Фанисович «Виктория» рўдерыште пашам ыштымыж нерген о‰айын шарналтен:

- Шукышт мемнам мланде дене ошкылаш ўжыныт, а ме самырык лийынна, чо‰ештылме шуын. Ме чо‰ештенна, мутат уке, администрацийын, районысо моло ушем ден организацийын полшымышт дене шонымашкына шуынна. Тау чылаштлан!

Варажым шке шотан отчетым «Путник» рўдерын директоржо В. Князев, ДЮСШ-н - Н. Зайнетдинов, Йоча искусство школын

- С. Ямбаев ыштеныт. Кажныже шке ветеранже да педагогшо-влаклан Тауштыме серыш дене шарнымаш пєлекым кучыктен.

Концерт номер-влакым Йоча искусство школын, «Путник» рўдерын воспитанникше-влак ончыктеныт.

Мутат уке, кызытсе неле саманыште ешартыш образованийыште тунемше да туныктышо-влакын шумо се‰ымашышт финанс полыш деч посна ок лий ыле. Сандене мероприятийым организоватлыше-влак шке спонсорыштлан, меценатыштлан, социальный партнерлан кугу таум ойленыт.

…Ий-влак эртат, ешартыш образований учреждений-влакын лўмышт, адресышт вашталтеш, но тудын кўлешлыкше нигунам ок йом. У творческий се‰ымашым тыланен кодына!

Венера АГЛЯМОВА.