+17 °С
Дождь
Увер
31 Декабря 2020, 21:00
Йоча садыште весела Ӱярня
Российыште кажне калыкын шке йӱлаже, культурыжо, шуко пайремже уло. Мемнан дене чыла калыкым иктыш ушышо пайремлан Ӱярняшотлалтеш. Ӱярня пайрем изиланат, кугуланат келша.
Йоча садыште весела Ӱярня
«Василек» 2 №-ан йоча садын филиалыштыже ме чыла йӱлам шуктен, Ӱярня пайремым эртарышна.
Йоча-влак тиде пайремлан чот куаненыт: Ӱярням ӱжыныт, шошым кычкыреныт, руш калык муро-влакым муреныт, тӱрлӧ модыш дене модыныт. А занятийыште ожно Ӱярня пайремым кузе пайремлыме нерген пален налыныт. Йоча-влак палат, Ӱярня годым эн тӱҥ йӱлалан курык гыч мунчалтымаш, мелнам кочмаш да теле дене чеверласымаш шотлалтыт.
Пайремыште Оза вате (А. Кутлуметова) чыла унам куанен вашлийын. А уна-влак коклаште Яшка (Л. Арсентьева) ден Аркашка (Д. Хабибуллина) скоморох лийыныт. Нуно йоча-влакым кушташ, мураш, модаш да вийым текшыраш ӱжыныт. Тыгодымак тӱрлӧ мыскара-влак дене йоча-влакым воштылтеныт.
Пайрем годым ме Телым (Л. Абдулова) ужатышна да Шошым (А. Андреева) вашлийна. Шошо пеленже шокшым, сай кумылым, весела модыш-влакым конден. Йоча-влак уло кумылын каненыт, пайрем чылалан чот келшен.
Э. МУКИМОВА, кугурак воспитатель.
