Йоча садыште «Весела Ӱярня!»

Йоча садыште «Весела Ӱярня!»

Ӱярня - калыкын эн весела, оҥай, йӧратыме пайремже.

Ӱярня годым еҥ-влак Телым ужатат да Шошым вашлийыт. Пайремын символжылан кече, мелна да чучело шотлалтыт.

Йоча-влак чыла тидыжым сайын палат. Мемнан «Василек» 2 №-ан йоча садыштат 11 мартыште Ӱярня пайремым кумдан пайремлыме.

Йоча-влак тӱрлӧ модыш дене модыныт, хороводым ыштеныт, шер теммешке юарленыт. Тиде пайремым палемдымаш мемнан садыште ынде поро йӱлашкак савырнен.

…Мемнан деке Теле толын да Шошылан верым пуаш шонен огыл, но йоча-влакын полшымышт дене Шошо тудым сеҥен. Йоча-влак чыланат куанен Телым ужатеныт да вес ий марте чеверласеныт. Пайремын тӱҥ геройжылан йоча-влак мурым муреныт, хороводышто пӧрдыныт, весела модыш-влак дене модыныт - «Цельыш логалте», «Кандырам шупшына», «Мелнам нумалына» «Портышкем» да

молат. Конкурс, почеламут, муро торашке шергылтыныт, сандене урем дене эртыше-влакат чарналтен, йоча пайремым куанен онченыт. Поро йӱла почеш пайрем тамле мелнам кочмо дене иктешлалтын.

Е. ИЛИКБАЕВА, воспитатель.