+23 °С
Ясно
Увер
31 Декабря 2020, 21:00
Ял озанлык пашаеҥ ден мӱкшызӧ-влаклан палашышт
Башкортостан Республикын икмыняр районыштыжо пасулашке аярым шавымылан кӧра мӱкш колымаш шарлен
Ял озанлык пашаеҥ ден мӱкшызӧ-влаклан палашышт
Мӱкш ончышо-влакын палдарымышт почеш, мӱкш-влак ял озанлык культура-влак кушмо пасу воктене колат. Ветеринарный лабораторий-влак
мўкш чер-влакым жапыштыже сорлыклаш тыршат.
Тидлан кєра Мишкан район МР администрацийын ял озанлык отделже ял озанлык пашам шуктышо-влаклан ял озанлык культура-влакым тӱрлӧ химикат дене обрабатыватлыме деч ончыч верысе сельский поселений администраций, массовый информаций средства-влак гоч да моло йӧн дене тидын нерген палдараш кӱшта. Увертарымашым палемдыме посна регламент дене пуыман да тидын годым лӱдыкшын классшым рашемдыман.
1 классан лӱдыкшӧ – чот лӱдыкшӧ, тыгай аярым кучылтмо регламент: аярым кастене, кече шичмеке шавыман, мардежын писылыкше 1-2 м/с лийшаш (самолет дене шавыме годым – 0-1 м/с.); мӱкш отар-влаклан аралтыш зона - 4-5 км (самолет дене шавыме годым – 5-6 км); мӱкш-влакым тыгай пасу воктене 4-6 сутка лукташ ок лий.
2 классан лӱдыкшӧ – икмарда кӱкшытан лӱдыкшӧ, тыгай аярым кучылтмо регламент: пасу тӱрыштӧ пеледше тӱрлӧ пеледыш ден шудым, тушко пестицид логалын кертдымашын, солыман; аярым кастене, кече шичмеке шавыман; мардежын писылыкше 2-3 м/с лийшаш (самолет дене шавыме годым - 1-2 м/с); мӱкш отар-вллаклан аралтыш зона - 3-4 км (самолет дене шавыме годым – 4-5 км); мӱкш-влакым тыгай пасу воктене 2-3 сутка лукташ ок лий.
3 классан лӱдыкшӧ – кугу огыл лӱдыкшӧ, тыгай аярым кучылтмо регламент: аярым эрдене эрок але кастене, кече шичмеке шавыман, мардежын писылыкше 4-5 м/с лийшаш (самолет дене шавыме годым – 2-3 м/с.); мӱкш отар-влаклан аралтыш зона - 2-3 км (самолет дене шавыме годым – 4-5 км); мӱкш-влакым тыгай пасу воктене 20-24 шагат лукташ ок лий.
Кеч-могай классан пестицидым шавыме годымат «Инструкция по профилактике отравления пчел пестицидами» положенийын йодмашыжым шуктыман. Аярым шавыме деч 4-5 кече ончыч тидын нерген (могай аяр, кунам, кушто шавалтеш) мўкш ончышо-влакым шекландарыман, тидым радио але газет гоч ыштыман.
Э. ЯШПАЕВА, ял озанлык отделын тӱҥ зоотехникше.
