Йўштӧ кугыза деч пӧлек

Йўштӧ кугыза деч пӧлек

Вет нине кечылаште кажне еҥ лишыл еҥжылан могай-гынат пӧлекым ышта. Икте пєлекым шке кучыкта, весе тиде куанле сомылым Йўштӧ кугыза ден Лумўдырлан ўшана.

Йоча-влак Йўштӧ кугыза деч пӧлекым налын тунемыныт гын, кугыеҥ-влак тыгай пӧлекым налмышт годым чотак ӧрыт. Мыйын пошкудем-влак денат тыгак лийын. У ий елка деч вара Йўштӧ кугыза ден Лумўдыр икмыняр ўдырамашлан моторын сӧрастарыме пєлек кулёкым кучык- теныт. Нуно моткоч ӧрыныт да тыгодымак куаненыт. Кажныже икте-весыштым ӧрын онченыт да умылен огытыл, кӧ вара нунылан тыгай пӧлекым ыштен. А кулёкым почмеке, умыленыт, кӧ нунылан тыгай куаным пӧлеклен. Тушто пӧлек кӧ деч улмо нерген возымо лийын огыл, а шке кид дене ыштыме пеледыш да тыланымаш шар лийын. Тиде кидмастар Юлия Апкаликован пашаже. Тудо пошкудыжо-влакым куандараш шонен пыштен.

Эре илышлан куаныше, весела Юля нигунам яра ок шинче. Тудо чыла ыштен мошта. Йоча годымак кидпашалан шўмаҥын. Аваж деч ургаш, а молыжым шке семын тунемын. Тудо марла тувырым урга, тўрлӧ, бисер дене пашам ышта, оҥай сувенир-влакым ямдыла. Юлия шке пашаж-влакым саклен арала але еҥ-влаклан пєлекла. Вет илышыш моторлыкым пурташ да еҥ-влаклан куаным кондаш - тиде моткочак сай.

Нимогай амал деч посна икте-весыланда пєлекым ыштыза. Тунам мемнан илышыштына пиалан чурий-влак шукемыт.

М. АПЛЕКОВА,

тўҥалтыш класслаште туныктышо.