«Йӧратет, йӧратем...» да «Кова-влак марлан лектыныт»

Оҥай конкурсышто 9 библиотека усталыкшым ончыктен. Библиотекарь-влак жюрилан мемнан землякна,

уста драматург Ф. Буляковын произведенийлаж гыч ужашыжым аклаш темленыт.

Жюрин членже-влак библиотекарь-влакын выступленийыштым тӱрлӧ могырчын акленыт: драматический материалым умылен моштымым, артист-влакын усталыкыштым, художественный оформленийым – гриммын, декорацийын, музыкальный сопровожденийын, вургем ден реквизит-влакын келшен толмыштым, постановкышто мыняр еҥ участвоватлымым.

Библиотекарь-влак утларакшым «Кова-влак марлан лектыныт» («Выходили бабки замуж»), «Йӧратет, йӧратем...» («Любишь, не любишь...») пьеса-влак гыч ужашыжым модын ончыктеныт, сандене нуным икте-весышт дене таҥасатараш куштылгырак лийын.

Мутлан, «Кова-влак марлан лектыныт» («Выходили бабки замуж») пьеса гыч ужашыжым Чорай, Ирсай, Урьяде, Измар ялласе да краеведческий библиотек-влак модын ончыктеныт. Чорай кова-влак чолга, моторын чийыше лийыныт, краеведческий библиотекын –

мыскара шӱлышан, ирсай ӱдырамаш-влак – кугу илыш опытан, шомакышт дене шоналташ таратыше, шӱлыкан, урьяде кува-влак –

пӧръеҥ чоным савыраш тыршыше, чоя ончалтышан, измар кока-кова-влак - шкеныштым кидыште кучышан, но тыгодымак пӧръеҥ

чоным сымыстаренат моштышо...

А Измар ялысе Абдулла коча чоным луштарыше кугызан рольжым тунаре устан модын, тудым ончен эсогыл шинчавӱд лектын. «Йӧратет, йӧратем...» («Любишь, не любишь...») пьеса почеш шындыме постановка-влакат оҥай да ямле лийыныт. Тиде пьеса гыч ужашым Ардаш да Кугу Соказа ялласе библиотека-влак модын ончыктеныт. Кугу Соказа ялын самодеятельный артистше-влак авторын шонымашыжым

устан почын ончыктеныт да жюрин кумылжым сайын модмышт дене савырен кертыныт. Тидлан кӧра кокымшо верым налыныт.

Жюри ден ончышо-влакым сай могырчын тыгак Кугу Шаде да Пўнчер ялласе библиотекарь-влак ӧрыктареныт. Арам огыл лач нуно

икымше да кумшо вер-влакым сеҥен налыныт. Тыште артист-влакат устан модыныт, вургем-влакат, декорацият чыла шотыштат келшыше лийыныт. Кугу Шаде ялын самодеятельный артистше-влак «Бибинур, ах, Бибинур» пьеса гыч ужашыжым модын ончыктеныт, пӱнчер-влак - «Портышкем, портышкем» («Валенки, валенки...») пьеса гыч. Нине артист-влак усталыкышт дене поснак ойыртемалтыныт. Икманаш, ончаш оҥай лийын. «Бибинур, ах, Бибинур» пьесыште Абдрахман лӱман, ялыште шочын-кушшо да ӱмыржӧ мучко илыше изиш пычкемышрак кӱтӱчӧ Бибинур лӱман мотор ӱдырым ужеш. Тудым вашлиймеке, каваште чоҥештыше арсланкайыкыш савырна, манаш лиеш. Бибинур тудын чолга шӱдырышкыжӧ савырна «Портышкем, портышкем» («Валенки, валенки...») пьесыште сарын ветеранжын Сашенька лӱман уныкаже уло вийже дене кочажым арала. Тудетым налаш сар жапысе йолташ ӱдыржӧ – але мартеат

йӧратыше Варвара лӱман шоҥго ӱдырамаш толын улмаш...

Жюри иктешлымаш деч вара вер-влакым тыге шеледен: кумшо верым Пўнчер ден Урьяде ялласе библиотека-влак пєленыт, кокымшо верым – Измар да Кугу Соказа ялласе библиотека-влак, икымше верым шаде-влаклан пуымо.

Ирсай ялысе самодеятельный артист-влакым «Ончышо-влакын симпатийышт» номинацийыште палемдыме, ардаш-влакым – «Эн сай актер мужыр» номинацийыште, краеведческий библиотекым – «Мыскара образ-влаклан» номинацийыште.

Мероприятийын участникше ден сеҥыше-влакым тауштыме серыш да изи пӧлек дене палемдыме.

Венера АГЛЯМОВА.ашыжым аклаш темленыт.