Йўдшат волгыдо, телыжат шокшо

Йўдшат волгыдо, телыжат шокшо

Пайрем вашеш ме Мишкан РЭС-ын начальникше Анатолий Перевышин дене вашлийын мутланышна. Мутланымашна профессий нерген шонкалымаш дене тў‰але.

- Энергетикын профессийже - ойыртемалтше, тийышле шинчымашым да профессиональный мастарлыкым гына огыл, а айдемын эн сай качествыжым йодеш, - манеш Анатолий Ильич. - Энергетик-влак кеч-могай игечыште пашам ыштат, сутка дене ыштыме жап-влакат

шагал огытыл. Ме тўткылыкым, ответственностьым да дисциплиным йодшан неле техникым моткоч сайын палена. Кеч-могай внештатный ситуацийлан оперативно реагироватлена, эсогыл шкенан профессиональный пайрем годымат пашаште лийына, е‰-влаклан волгыдым да шокшым кўрылтде пуэн шогена.

- Анатолий Ильич, ты предприятийым Те мыняр ий вуйлатеда?

- 2003 ий январь гыч, вашке латвич ий шуэш, Мишкан РЭС-ын начальникше улам.

- Таче предприятий кузе ила?

- «Башкирэнерго» ООО ЦЭС ПО-н Мишкан РЭС-ше 1980 ий октябрьыште ышталтын. Кызыт коллективыште 57 е‰ пашам ышта. Тыгай служба-влак улыт: распределительный электросетьым олмыктышо да тудын пашажым виктарыше кум бригада, подстанцийысе

оборудованийым олмыктышо да пашажым виктарыше группа, оперативно-диспетчерский служба, механизаций служба, электрический энергийым учетышто кучышо группа, потребитель-влакым ушышо отдел.

Тў‰ задачылан районысо потребитель-влаклан электричествым кўрылтде колтен шогымаш шотлалтеш. РЭС 307 трансформаторный

подстанцийым, 900 км 04,- 10 кВ распределительный сетьым обслуживатла. 2013 ий гыч электрически энергийым учетыш автоматически налме объект-влак (ушан сеть) илышыш пурталтыт.

- Материальный базыда кызытсе йодмашлан келшен толеш мо?

- Предприятийын материальный базыже производствышто да социальный база кўкшытыштє кызытсе йодмашлан келшен толеш. 14 единица техникына уло, нунын дене ме кеч-могай жапыштат ончылан шындыме задачым шуктен кертына.

- Тендан профессиональный пайремда идалык мучаште эртаралтеш, сандене палыме шуэш, тенийлан шындыме паша пландам

темен кертында мо?

- Коллектив 2018 ийлан шындыме планым темен. Технологический ушымаште 94 потребительлан пашам 2,5 млн те‰геашым шуктымо, физический объем дене 4,5 км юж линий лиеш. 5,349 млн те‰геаш распределительный сетьым олмыктымо да уэмдыме.

Подстанцийысе оборудованийым 1,9 млн те‰геашым олмыктымо. Мишкан селасе подстанцийын 3 секцийышкыже вакуумный выключательым шындыме. Шады ялысе подстанцийын силовой трансформаторжым капитально олмыктымо. Районысо потребитель-влаклан 42 млн кВт электроэнергийым колтымо.

- Ончылно У ий, 2019 ийлан могай задачым шынденда?

- 2019 ийыште распределительым 5 млн те‰геашым олмыктыман. Тыгак потребитель-влакым технологический ушымо пашам намийыман.

- Тендан коллективда икоян, пашам йєратыше. Изишак пашае‰да-влак дене палдарыза.

- Коллектив чынжымак ўшанле да келшен илыше. Мемнан дене тў‰ инженер А. Мугалимов, инженер-влак А. Яманаев, Д. Попов, распределитель мастер-влак А. Кугубаев, самырык специалист, Чорай участкын мастерже А. Танцитов, подстанций группын начальникше С. Исаев, транспорт шотышто мастер А. Пономарев, электромонтер-влак В. Иванов, С. Андрюшкин, В. Юзиев, В. Киреев, дежурный-влак А. Семенов, П. Охезин, А. Алмияров, А. Шумаков, Ф. Саетгареев, старший диспетчер О. Александров, И. Ахматгалиев,

электрослесарь А. Столбоушкин пашам сайын ыштат.

Кугурак-влак деч самырык специалист-влак В. Яшпаев, А. Апакетов, В. Кильдибаев, А. Ветлин, Ю. Мурзабаев, А. Юзиев, А. Аликаев примерым налыт.

Водительна-влак нерген поро мутым ойлыман. Тиде - дежурный-влак А. Бикбулатов, Д. Ашиев, А. Казыханов, В. Бурзумбаев, спецтехникын водительже-влак А. Байрамалов, Н. Сафиуллин, И. Акбулдин, Г. Яниев, Г. Аликаев, Л. Андреянов, электросварщик В. Апакетов.

Пайрем вашеш ўдырамаш пашае‰на-влак нергенат каласен кодаш кўлеш. Мемнан дене ўдырамаш-влак шагалын улыт, но чыланат уста профессионал семын ойыртемалтыт. Тиде - техник-влак Т. Ашиева, Н. Исакаева, Н. Шекиладзе. Сулен налме канышыште улшо ветеранна-влак нерген поро мутым ойлыман. Нуно РЭС-ым почмо эн неле жапыште пашам ыштеныт. Тиде - В. Биктубаев, Б. Танцитов, С. Запевалов, А. Ямаев, И. Садыков, П. Гладких, В. Алиев, Г. Перевышина, Е. Биктимирова, В. Гладких, А. Саликаев да молат.

- Профессиональный пайремда вашеш коллективланда мом тыланеда?

- Коллективым Энергетик-влакын кечышт дене саламлем. Тек тендан энергийда нимучашдыме лийже, кєргє вий-куатда сай кумыл дене

заряжатлалтше, а пашада ончыкыжымат тыгаяк икоян да пашам йєратыше коллективыште шуйныжо. Пе‰гыде тазалыкым, еш пиалым да чыла сайым гына тыланен кодам.

Фирдаус КАДИКОВА.