+22 °С
Облачно
Увер
31 Декабря 2020, 21:00
Ветеранлан кугу тау
Ирсай ялысе волонтер-влак Кугу Отечественный сарын ветеранже Алей Семенович Семенов деке миеныт.
Ветеранлан кугу тау
Алей Семенович 1926 ий 2 майыште Ирсай ялыште шочын. Изинек колхозышто пашам ышташ тӱҥалын. 1943 ийыште 17 ияш рвезым фронтыш налыныт. Тудо ондак 3-шо ПТР учебно-строевой полкышто курсант лийын. Варажым маршал Конев вуйлатыме I Украинский фронтыш логалын. Немыч кашак дене Эстонийыште, Чехословакийыште кредалын. Сеҥымашым Польшысо Вроцлав олаште вашлийын. 1945 ий 28 февральыште Ранкау ял воктене кредалмаш деч вара ефрейтор А. С. Семенов «За отвагу» медаль дене палемдалтын. Тудо эн ончыч, манаш лиеш, атакышке кынелын куржын. Тиде кредалмаште нелын сусырген. Тыгак Кугу Отечественный сарын II степенян орденже, «Жуков» медаль дене палемдалтын. Но немычым кырен шалатыме дене тудлан сар пытен огыл. А. Семеновым Восточный фронтыш колтеныт. 1945 ийыште Алей Семенович Япон чекыште, Приморский крайыште (Манцовка станций) кредалын, юж десантник лийын.
Шочмо ялышкыже 1950 ийыште иже пєртылын. Пєртылмекыже, икмыняр ий эл кєргысє паша органыште служитлен, варажым, пенсийыш лекмешкыже, верысе связь узелыште ыштен. Алей Семенович социалистический таҥасымаште сеҥыше, «Пашан ветеранже» улеш.
Л. САЛЯЕВА.
