«Валежникым» погаш лиеш

«Валежникым» погаш лиеш

2019 ий 1 январь гыч «РФ Чодыра кодексын 32-шо статьяшкыже вашталтышым пуртымо нерген» федеральный закон илышыш пурен.

Тиде закон шумлык еҥ-влак деч ятыр йодмаш пура. Тудым рашемдышашлан ме Россий Федераций Федеральный Погынын Государственный Думыжын депутатше Зариф Байгускаров деч умылтараш йодна.

- Закон еҥ-влаклан чодыраште «валежникым» погаш разрешитла.

- Мо тугай «валежник»?

- «Валежник» - тиде чодыраште тўтан мардеж дене сўмырымє але шке вуя сўмырлышє, мландыште кийыше пушеҥге.

- Тудым погаш кє деч разрешенийым налман?

- Чодыраште сўмырлышє пушеҥгым погаш нигє деч разрешенийым налаш ок кўл.

- Тыгай пушеҥгым погаш пелен товарым але бензопилам налаш лиеш мо?

- Лиеш. Вет сўмырлышє пушеҥгымат пўчкедаш, руаш кўлеш.

- «Валежникым» могай жапыште погаш лиеш?

- Тудым кеч-могай жапыште погаш лиеш, пожар лийын кертше лўдыкшє жапыште гына чаралтеш.

Законым шуктымо шотышто иктаж экшык лектеш гын, мылам тыгай адрес дене увертараш йодам: Уфа ола, Цурюпа урем, 17.

Материалым Ф. Кадикова ямдылен.