+15 °С
Облачно
Увер
31 Декабря 2020, 21:00
«Ужар Башкирий»
20 апрель гыч 20 май марте чодыра фондышто чодырам шындыме иктылзаш эрта. Тыгай пунчалым Башкортостан Республикын правительствыже 2019 ий 29 мартыште луктын.
«Ужар Башкирий»
Чодырам уэмдыме иктылзаш, «Ужар Башкирий» единый республиканский акций Башкортостан Республик вуйлатышын пашажым шуктышо Радий Хабировын 2019 ий 1 мартыште Караидель районышто эртыше республикысе чодыра форумышто кӱштымыжым шуктышашлан эртаралтыт.
- Мыланна калык коклаште чодырам аралаш, пўртўсым пагалаш туныктымо умылтарыме пеш кугу пашам шукташ кӱлеш, - каласен тунам Радий Хабиров.
Иктылзашын тӱҥ цельже - чодырам аралыме кумылым шочыкташ, чодыра фондышто да ял озанлык мландыште чодыра поянлыкым аралыме да шукемден толмо пашам намияш. Иктылзаш кышкарыште илыме верлаште, чодыра фондышто пушеҥге-влакым шындаш, «Пушеҥгым шынде - илышым пу» девиз дене «Ужар Башкирий» республиканский акций тений 27 апрельыште республика мучко эрташ тӱҥалеш.
Пушеҥгым шындыме всероссийский кечын, тудо тений шошым Российын чыла субъектыштыже эрташ тӱҥалеш, чодырам уэмдыме моло акций-влакат эртат: «Илыш пушеҥге», «Шарнымаш чодыра», республикылан 100 ий темме лўмеш шарнымаш аллейым шындымаш. Нине мероприятийлаште пашазе коллектив-влак, верысе калык, самырык-влак, мер организаций да волонтер-влак участвоватлаш тӱҥалыт.
- Иктылзашым эртарышашлан ме республикысе муниципальный район рӱдӧ-влак воктене 120 участкым, чылаже 400 гектарым ойырымо, - палемден Башкортостан Республикын чодыра озанлык министр Марат Шарафутдинов. - 1 миллион 600 тӱжем изи пушеҥгым шындаш палемденна, тений чылаже 7 тӱжем гектарыште пушеҥге шындалтеш.
Палемден кодыман, БР-се чодыра министерство пушеҥгым шындышаш верлаште интерактивный навигационный картым ямдылен, кажне муниципальный районышто экологический иктылзашым эртарышашлан вуйын шогышо еҥым палемдыме.
Фирдаус КАДИКОВА
ямдылен.
