+22 °С
Облачно
Увер
31 Декабря 2020, 21:00
Увертаре, кушто колымашым ужалат
Республикыште «Увертаре, кушто колымашым ужалат» всероссийский антинаркотический акцийын икымше этапше стартым налын.
Увертаре, кушто колымашым ужалат
11 март гыч республикысе министерство ден ведомствылаште «шокшо линий-влак» пашам тӱҥалыныт.
Кажне звонок, кеч-могай увер кӱлешан - «Увертаре, кушто колымашым ужалат» всероссийский акцийын тӱҥ принципше тыгай. Наркотик дене пайдаланыме да тудым ужалыме ваштареш кучедалмаште жапыштыже пурышо увер эн сай средствалан шотлалтеш. Сандене тендан Наркотик дене пайдаланымым контрольышто кучышо управленийын пашаеҥже-влаклан каласаш иктаж уверда уло гын, звонокдам полицийын кеч-могай отделыштыже налыт. Тиддеч посна Башкирий МВД-ште сутка мучко ўшан телефон пашам ышта: 8 (347) 279-32-92. Тиде номер дене звонитлен, республикыште илыше кажне еҥ наркотикым кушто ужалыме, наркопритон нерген увертарен да наркоманий дене кылдалтше тӱрлӧ йодышым пуэн кертеш.
Пурышо кажне увер текшыралтеш, ик звонокат ончалтде ок код.
Мероприятийым организоватлыше-влак граждан-влакын чолга социальный позицийыштлан ӱшанат. Наркоманий проблемым тӱшкан гына решатлаш лиеш, маныт полиций пашаеҥ-влак.
МВД-н Наркотик дене пайдаланымым контрольышто кучышо БР-се управленийже.
