Удан колат – субтитрым луд

Удан колат – субтитрым луд

РТРС оязательный общедоступный телеканаллаште субтитр-влак дене передача-влакым ончаш йєным ышта. Икманаш, айдемын кумылжо уло гын, тудо субтитр-влакым чўктен кертеш. Удан колшо еҥ-влаклан тиде телепередача-влакым ончаш пеш сай йӧн.

Субтитр-влакым Моско оласе студийыште ямдылат да чўктат. Тиде функцийым чўкташлан пультышто посна кнопкым темдалман. Субтитр-влак тыгай каналлаште улыт: Первый канал, Россия 1, НТВ, «Россия К», «ТВ Центр», «Карусель», «Спас», «Матч ТВ» да «Пятый канал».

Российыште 13 миллион утла еҥ удан колеш, нунын кокла гыч 1 миллионжо – йоча-влак. 2020 ий гыч у закон вийым налеш, тудын почеш субтитран телепередача-влакын чотышт 5 процент деч шагалрак лийшаш огытыл. Субтитр-влак дене увер, кинофильм, телесериал да развлекательный передача-влак ончыкталтшаш улыт. Законын проектше «Доступный среда» государственный программа кышкарыште ышталтын.

«Россий Федерацийыште инвалид-влакым социально аралымаш нерген» федеральный закон да «Инвалид-влак- лан икгай йӧным ыштыме стандартный правил-влак» дене келшышын, Российыште илыше кажне еҥын информацийым налаш праваже уло. Российысе теле-радио станций цифровой телевизорым ончышо-влаклан тыгай права дене пайдаланаш йӧным ышта. Вет цифровой телеканаллан тўлыман огыл.

Субтитр-влак дене передачым ончашлан DVB-T2 стандартан телевизор кўлеш. 2013 ий гыч лекше телевизор-влак чыла тыгай стандартан улыт. Цифровой канал-влакым ончашлан дециметровый але всеволновый антенным чўктыман да автонастройкым темдалман. 2013 ий деч ончыч лукмо телевизор-влаклан антенн деч посна DVB-T2 стандартан приставка кўлеш. Тидын годым антенна приставка деке чўкталтеш, а приставка – телевизор деке.

Цифровой телевидений да субтитран передача-влак нерген рашрак информацийым СМОТРИЦИФРУ.РФ сайтыш пурен але 8(800)220-20-02 тугок телефон дене йыҥгыртен налаш лиеш.