У ийыште илен лекташ ситыше минимум

2018 ийын кумшо кварталжылан илен лекташ ситыше минимумым рашемдыме

Пашам ыштен кертше еҥлан тылзылан илен лекташ ситыше минимумын кугытшо – 9504 теҥге, пенсионер-влаклан – 7283 теҥге, йоча-влаклан – 8975 теҥге.

Илен лекташ ситыше минимум квартал еда рашемдалтеш. Тудым рашемдыме годым БР-се потребительский корзина, Государственный статистика федеральный службын территориальный органжын кочкыш ден моло сатулан ак шотышто данныйыштым шотыш налын рашемдалтеш.

2018 ийын кумшо кварталжылан илен лекташ ситыше минимум 2018 ийын кокымшо кварталже дене таҥастарымаште изиш иземын. Рашрак лияш гын, 0,8 процентлан але 74 теҥгелан: пашам ыштен кертше еҥ-влаклан – 0,5 процентлан (48 теҥгелан), пенсионер-влаклан – 0,4 процентлан (32 теҥге), йоча-влаклан – 2,3 процентлан (207 теҥге).

Илен лекташ ситыше минимум иземмаш ак-влак изишак иземме дене кылдалтын. Мутлан, кумшо кварталыште ковышталан ак 27,3 процентлан волен, пареҥгылан – 9,8 процентлан, шоганлан – 2,6 процентлан, чыве муно – 9,47 процентлан, шемшыдаҥ – 0,8 процентлан. Тидын годым йошкар реве 1,3 процентлан шергештын, кешыр – 4,7 процентлан, шикар – 4,5 процентлан, сєсна шыл – 2,6 процентлан, чыве шыл – 11,7 процентлан, кылме кол (лосось деч посна) – 1,3 процентлан.

Ф. КАДИКОВА ямдылен.