У ийым - у пачерыште

У ийым - у пачерыште

У ий вашеш тулык да ача-ава ончымо деч посна кодшо, 18 ийым темыше куд самырык еҥ, Революционная да Юбилейная уремлаште у пачер деч сравочым налыныт. Теве нине пиалан еҥ-влак: Э. Адылшина (Ӱлыл Шогертен), Е. Айдуганова (Мишкан), Д. Апаев (Измар), Л. Ульданова (Атнагул), В. Валеев (Уял) А. Калямшин (Лепешкан). Пиалан-влакым пєртсий дене саламлаш район администраций вуйлатыше Р. Мусин, администраций вуйлатышын социальный йодыш да кадр-влак шотышто заместительже Л. Александрова, район администраций вуйлатышын чоҥымо паша да жизнеобеспечений шотышто заместительже В. Ханов, Мишкан сельсовет СП вуйлатыше Р. Ишмакаев,

чоҥышо-влак А. Фатхинуров, Ю. Александров миеныт.

- Мемнан элыште «О дополнительных гарантиях по социальной поддержке детей-сирот и детей, оставшихся без попечения родителей» (1996 ий 21 декабрьысе 59-ФЗ №-ан) да республикыштат тыгаяк лўман (БР-се 1998 ий 27 октябрьысе 188-З №-ан) закон-влак улыт.

Нине закон-влак РФ да БР бюджетла гыч тиде категорийыш пурышо граждан-влаклан илыме верым пуаш йєным ыштат.

Мемнан районышто тачысе кечылан 60 еҥ тиде спискыште пачерым вуча. Нунын кокла гыч таче 6 еҥлан у пачер деч сравочым кучыктымо. У пачерыштыда тек эре волгыдо, шокшо лиеш, еш пиалда ума да йоча йўк шергылташ тўҥалеш, - каласен район администраций вуйлатыше сравочым кучыктышыла.

Венера АГЛЯМОВА.