У ий кож чўкталтын

У ий кож чўкталтын

Тиде куанле, мотор мероприятийым эртарымаш мемнан районышто поро йўлашке савырнен. Ынде визымше ий почела тунеммаште, общественный пашаште, тўрлє олимпиадыште, конкурс ден фестивальлаште ойыртемалтше, спортышто кугу се‰ымашке шушо йоча-влаклан район вуйлатышын елкыжо эртаралтеш.

Тений тиде мероприятийышке районысо школла гыч 70 йоча ўжылтын. Эн шуко йоча Мишканысе 1 №-ан Флорид Буляков лўмеш лицей гыч (13), 2 №-ан Мишкан кыдалаш школ гыч (10), Кугу Соказа, Ирсай, Чорай школла гыч лийыныт. Нунын тунеммаште да мер илышыште тыршымышт арам лийын огыл, Йўштє кугыза ден Лумўдыр деч пєлекым налыныт.

Мероприятий райцентрысе школлаште да ешартыш образований учрежденийлаште тунемше-влакын изирак концертышт дене почылтын.

Пайремыш толшо йоча-влакым шушаш У ий дене район администраций вуйлатыше Р. Мусин, районысо образований отделым вуйлатыше С. Александров саламленыт.

- Те мемнан ончыкылыкна улыда, шукыда, очыни, шкаланда ончыкылык профессийым ойырен налында, ончыкылык планым ыштенда. Иктым гына йодына, шке шочмо кундемдам нигунам ида мондо, дипломан специалист лийын, мемнан деке, шочмо районышко пєртылаш ўжына, - тыланеныт нуно залыште шинчыше-влаклан. - Тендан се‰ымашда

ача-авадам гына огыл, мемнамат куандара. Районын чапшым ончыкыжымат кўшнє кучыза, шонымо кўкшытышкыда шуаш тыршыза, лўдде пашам ыштыза. Тек тендан яндар уш-акылда районым тўзаташ полша.

Районный Культура дворецын пашае‰же-влак йоча-влаклан шке шотан пєлекым - «Вувер кува ден Таргылтышын орадыланымышт» театрализованный представленийым ямдыленыт. Тыште И. Аликаева (Вувер кува), В. Кутлуметов (Таргылтыш), Д. Аслямов (Йўштє кугыза), Л. Иксанова (Лумўдыр), О. Мусалина (Маша), Т. Иванова (Лум курчак) шке рольыштым устан модыныт. Залыште шинчыше-влак то утэн каен воштылыныт, то Йўштє кугыза ден Лумўдырын пўрымашышт верч тургыжланен шинченыт. Кеч-могай йомакыштат поро осалым се‰а, тыштат осал шонышо-влак се‰алтыныт. Залыште шинчыше эн изи йоча-влак куанымышт дене ласкан шўлалтеныт.

Ончылно тунемше-влакым теле каникул вуча. Тудо у событий-влаклан поян лиеш манын шонена. Канышда весела да пайдале лийже, йоча-влак! У ий дене!

Венера АГЛЯМОВА.