Тыште шўдырым чўктат

Тыште шўдырым чўктат

Искусство школ кажне йочалан вия‰ашыже икгай условийым ышта, уста, талантан йоча-влаклан мастарлыкыштым шуараш полша.

Тыште тыгай специальность дене занятий-влак эртат: фортепиано, баян, аккордеон, гитара, сольный мурымаш, изобразительный искусство, хор дене мурымаш, хореография, фольклор (музикан да шиялтышым шокташ туныктат). Тунемме жап - 5 ий. 2018 ий июнь тылзылан шотлымаште 370 йоча тунемын, тушечын хореографий классыште - 212.

Йоча искусство школ 1967 ий гыч 2018 ий марте тўрлє специальность дене 560 йочам туныктен луктын. Выпускник-влак кокла гыч ятырышт кыдалаш-специальный да высший учебный заведенийлаште тунемыт. Нунын коклаште К. Миндияров, Д. Алетдинова, А. Газизова, Р. Ханова, Э. Сахаутдинова, А. Хайдаршин да молат улыт. Южо выпускникна ойырен налме профессийже дене пашам ышта да йоча-влакым искусство деке шўма‰да.

Тачысе кечылан школышто 13 преподаватель пашам ышта, тушечын 8 высший образованиян.

Фортепиано класс дене кужу жап Р. Исмагилова, Г. Ипулаева, А. Алексеева пашам ыштат, тений К. Ильтимирова нунын коклашке ушнен, баян да аккордеон класс дене - А. Шамуратов, гитара класс дене - Н. Иванова, сольный мурымаш дене - Л. Арсланова, ИЗО - И. Александрова, хореографий - М. Яшкина, И. Ижбулдина, фольклорышто А. Ибулаев туныктат. Йоча искусство школын филиалже Кугу Соказа ялыште пашам ышта, тушто хоровой мурылан И. Шамуратова туныкта.

Искусство школын преподавательже-влак профессиональный шинчымашыштым эре кугемден толыт. Пытартыш ныл ий жапыште вич туныктышо квалификацийым кугемдыме курсым эртен.

Самырык-влак дене пашам ыштымаште шумо се‰ымашлан Р. Исмагилова ден Н. Иванова БР культура министерствын, а молышт Мишкан район МР администрацийын почетный грамотышт дене палемдалтыныт.

Школ пелен 2002 ийыште «Ладушки» йоча вокальный ансамбль ышталтын, тудо «Образцовый» лўмым нумалеш. Ансамбльым Н. Иванова вуйлата. Самырык артист-влак районышто, республикыште эртыше тўрлє мероприятийлаште шке выступленийышт дене куандарат.

Йоча искусство школын воспитанникше-влак республиканский, всероссийский да тўнямбал конкурслаште участвоватлат: 2015 ий мартыште вич тунемше «Туган тел» телеканылыште эртыше «Йолдозы балачак» республиканский конкурсышто участвоватлен; 2017 ий февральыште Уфаште эртыше самырык музыкант-влакын всероссийский конкурсыштышт Л. Саетгареева «Эстрадный муро» номинацийыште II степенян лауреат лийын, «Калык инструмент» номинацийыште К. Миндияров (баян) участникын дипломжым налын. Йоча искусство школын воспитанникше-влак тыгак «Йайгор» (Бурай села) республиканский конкурсышто, «Золотой петушок» Всероссийский виш йоча эстрадный телевизионный конкурсышто, «Радуга талантов» инвалид йоча-влак коклаште республиканский творчество фестивальыште, «Таланты Башкортостана» республиканский йоча конкурс-фестивальыште участвоватленыт. Кажне ийын «Апрельские капели» (Бирск), «Созвездие талантов», «Хрустальная звездочка» республиканский конкурслаште участвоватлат.

ИЗО класс дене преподаватель И. Александрова искусство школышто 27 ий ышта. Пашам ыштыме жапыштыже 91 выпускникым луктын, нунын кокла гыч 19 е‰же творческий корныжым шуэн, тўрлє училище ден институтлаште художественный отделенийлам ойырен налын.

Кодшо тунемме ийыште самырык художник-влак «Черниковская котовасия» тўнямбал йоча юмористический сўрет конкурсышто, Еш идалыклан да Салават олалан 70 ий темме лўмеш «Наследие Салавата» региональный конкурс-фестивальыште участвоватленыт. Кузнецов лўмеш Тўнямбал йоча сўрет конкурсышто (Стерлитамак ола) И. Александрован воспитанницыже икымше верым налын.

Йоча искусство школ тўрлє концерт-влак деч посна Мишканыште черкым чо‰аш полшаш поро кумыл концертым ончыктен.

Школын администрацийже школын материально-технический базыжым арален, уэмден да пойдарен толмаште кугу пашам шукта. Пытартыш 5 ий жапыште 2 баяным, 1 гармоньым, 1 аккордеоным, 3 курайым, 2 блок-флейтым, 1 домрым, 1 цифровой фортепианым, 1 скрипкым, аудиосистемым чылаже 100 тўжем утла те‰геашым налме. Тиддеч посна 200 утла йоча костюмым, 36 мужыр йолчиемым ургымо (чылаже 500 утла тўжем те‰геаш).

Йоча искусство школ 2017 ийыште Башкортостан Республикысе район ден ола округ-влак коклаште йоча музыкальный школ ден искусство школ-влаклан музыкальный инструментым налаш субсидийлан конкурсный отборышто участвоватлен. Тушто БР культура министерствын, Мишкан район администрацийын полшымышт дене у фортепианым налме.

Школын библиотечный фондыштыжо 1000 наре экземпляр нотный, учебный да методический литература уло.

Тачысе кечылан искусство школын тў‰ задачыжлан йоча-влакын чотыштым кугемдымаш шотлалтеш але 2022 ийлан чыла йочан 14 процентшым авалташ задачым шындыме. Кызытеш тиде показатель 8,3 процент гына (5 гыч 18 ияш марте), но тиде Башкортостан Республикысе йўдвел район-влак коклаште эн кугу показатель улеш.

Йоча искусство школын материалже негызеш

В. Аглямова ямдылен.