+17 °С
Ясно
Увер
31 Декабря 2020, 21:00
Тыршыман пашалан награда
2 №-ан Мишкан кыдалаш школышто 11 классыште тунемше Валерий Уразгуловлан 2019 ий куанле событий дене тўҥалеш - тудо Башкортостан Республик вуйлатышын стипендиатше лийын.
Тыршыман пашалан награда
«Тыршыме деч посна пўя гыч колымат лукташ ок лий» манме калыкмут уло. Валерий ты стипендийым тыршыман пашаж дене - сайын тунемын, школын общественный илышыштыже чот тыршен - сулен. 2017-2018 тунемме ийыште В. Уразгулов республиканский конкурслаште сеҥымыжлан да Мишкан районышто экологический движенийыште чолган участвоватлымылан БР-се пўртўс дене пайдаланыме да экологий министерствын Тауштыме серышыжым, биологий дене Всероссийский олимпиадын региональный этапыштыже участвоватлымылан сертификатым (тиде сертификат школ деч вара БашГУ-н биологический факультетышкыже тунемаш пурымо годым 1 баллым ешара), экологий дене Всероссийский олимпиадын региональный этапшын призержо дипломым, химий дене М. Ломоносов лўмеш 40 турнирыште сайын выступатлымыжлан грамотым налын. Химий дене школьник-влакын «Газпром» олимпиадын иктешлыше турыштыжо I степенян дипломант лийын.
Валерий тыгак «2018 ийысе эн сай тунемше» конкурсышто сеҥышыш лектын.
24 декабрьыште район администрацийын заседаний залыштыже муниципалитет вуйлатыше Р. Мусин торжественный обстановкышто Валерий Уразгуловлан сертификатым кучыктен.
Венера АГЛЯМОВА.
