+14 °С
Облачно
Увер
31 Декабря 2020, 21:00
Туристна-влак дене кугешнена
Туймаза олаште спортивный туризм дене всероссийский таҥасымашын коло кандашымше республиканский этапше эртен.
Туристна-влак дене кугешнена
Таҥасымаште Башкортостан Республикысе олала ден районла гыч латкандаш команде участвоватлен. Таҥасымаш кок номинацийыште эртен: «дистанция - лыжная - связка» да «дистанция - лыжная - группа». Мишкан селасе «Путник» йоча-юношеский туризм рӱдер кок командым луктын: А класс да Б класс.
Мемнан команда сайын выступатлен, результат-влак тыгай улыт: Валинуров - Айкашев кылдыш шке ийготан тӱшкаште сеҥышыш лектын,
Батыров - Саетгареев кылдыш той призер лийын. «Дистанция - лыжная - группа» таҥасымаште мемнан изирак группына кокымшо верым налын, а общекомандный зачетышто абсолютный чемпион лийын. Мишкан турист-влакын изирак командыжлан икымше верлан кубокым кучыктымо.
Ме шкенан спортсменна-влакын сеҥымашышт дене эре кугешнена. Уста спортсмен-влакым тренер-влак Андрей Ибаев, Сергей Полюдов, Диана Алиева ямдылат. Нуно шке примерышт дене рвезе-влакым ончылан шындыме цельышке шуаш, шке вийлан ӱшанаш кумылаҥдат.
«Путник» рӱдерын материалже негызеш Ф. КАДИКОВА ямдылен.
