Титакым кудалтыме шотышто комиссий титакан еҥ-влакын ходатайствыштым йӧплен огыл

Титакым кудалтыме шотышто комиссий титакан еҥ-влакын ходатайствыштым йӧплен огыл

БР-се Государственный Погын – Курултайын председательже Константин Толкачев Башкортостан Республик вуйлатыше пелен титакым кудалтыме

шотышто комиссийын погынымашыжым эртарен.

Тушто шым ходатайствым тергыме, комиссий ик ходатайствыжымат йєплен огыл. Йодмашым разбойник, айдемым пуштшо, еҥым эмгатыше, шолыштшо, машина дене йўшє вуя кудалыштше-влак возеныт улмаш.

Ик делалан посна верым ойырымо, вет тиде ходатайствым йєплаш Караидель селаште илыше ятыр еҥ йодын, - палемден Константин Толкачев. – Титакан еҥым «Дэу-Нексия» машинам шолыштмыжлан титаклыме. Кузе да мо лиймым чыла рашемдаш манын, титакан еҥ дене комиссийын членже-влак вашлийыныт. Вашлиймаште тудо сай еҥ семын койын, делаште йоҥылыш-влак улым палемден, шкенжым титаканлан шотлен огыл. Эргыжым титакдымыш лукташ аваже кугун тырша, тиде пашашке ял калыкымат ушен. Но моло факт-влак титакан еҥ ваштареш улыт: исправительный учрежденийын администрацийже ходатайствым йєплен огыл, колышо еҥын родо-шочшыжо-влакат титакым кудалтыме ваштареш улыт.

Чыла шотыш налмеке, комиссийын членже-влак ходатайствым йєплен огытыл.

Комиссийын заседанийыштыже тыгак 2018 ийысе пашам иктешлыме. Титакым кудалтыме нерген 28 ходатайствым тергыме, кок ходатайство почеш республик вуйлатыше Россий Президент деке йєплаш йодмашым возен колтен.

БР-се Государственный Погын – Курултайын пресс-рўдержын материалже-влак почеш Ф. КАДИКОВА ямдылен.