«Теле малыме жап огыл»

«Теле малыме жап огыл»

Теле - спорт дене занимат- лаш келшыше жап. Кумылан-влак ече дене коштын кертыт, куржталаш йӧратыше-влакланат вер сита,

эсогыл велосипед денат кудалышташ лиеш.

Триатлон - лач тыгай таҥасымаш улеш. 1-2 февральыште «Триумф» ФОК пелен Башкортостан Республикын кубокшылан триатлон дене

таҥасымаш эртен. Ийгот шот дене шеледалтын, ӱдыр-рвезе-влак тӱрлӧ дистанцийлаште шке вийыштым текшыреныт. 2007 ийыште да варарак шочшо ӱдыр-эрге-влак 500 метрым куржыныт да 2 километрым ече дене эртеныт. 2005-2006 ийлаште шочшо ӱдыр-рвезе-влак 2 километрым куржыныт, 4 километрым велосипед дене кудалыныт, 3 километрым ече дене куржыныт. Кугурак ийготан-влак 3 километрым куржыныт, 5 километрым велосипед дене эртеныт да тынарак километрым ече дене куржыныт.

Триатлон дене таҥасымаште Уфа, Мелеуз, Салават олала гыч, Ишимбай, Калтаса, Чекмагуш да Мишкан районла гыч спортсмен-влак участвоватленыт.

Чыла ийготан-влак коклаштат таҥасымаш моткоч пӱсӧ лийын. 2000-2001 ийлаште шочшо-влак коклаште мемнан землякна Алексей Ямбаевлан шушо лийын огыл. Кокымшо верымат мемнан спортсменна Родион Михайлов налын, а кумшо верыш Салават ола гыч Сергей Ходченко лектын.

50-59 ияш-влак коклаште мемнан район гыч Валентин Саликов эн сай результатым ончыктен. Тудын результатшым нигӧн дене таҥастараш лийын, вет ты ийготан-влак коклаште тудо шкетын гына куржын.

2002-2004 ийлаште шочшо-влак коклаште мемнан землякна Александр Ямбаев сеҥен, ший медальым Агидель ола гыч Ильнар Хабибуллин налын, кумшо верыш Чекмагуш гыч Руслан Хатмуллин лектын.

2002-2004 ийлаште шочшо ўдыр-влак коклаште таҥасымаш оҥай лийын. Эн сай результатым Салават ола гыч Елизавета Глазкова ончыктен. Кокымшо верыш мемнан район гыч Анастасия Сайфутдинова лектын. Кумшо верым Мелеуз гыч Есения Мельникова налын.

2005-2006 ийлаште шочшо-влак коклаште Салават ола гыч Серафима Тептеева ден Елена Угланова икымше да кокымшо верым налыныт, мемнан землякна-влак Стела Ахмазова ден Марина Сайфутдинова нунын деч изишлан гына вараш кодыныт.

2000-2001 ийлаште шочшо ӱдыр-влак коклаште Салават ола гыч Анастасия Петрова ден Мария Варамова ойыртемалтыныт.

Изи ийготан эрге-влак коклаште Салават да Мелеуз олала гыч спортсмен-влак тале лийыныт. Мемнан районын представительже Вячеслав Кугубаев нылымше верыш гына лектын.

Эн изи ийготан, 2007 ийыште да варарак шочшо ӱдыр-влак коклаште Дарья Ощенкова (Агидель), Алина Каримова (Салават), Дина

Давлетшина (Ишимбай) сеҥышыш лектыныт. Тиде ийготан эрге-влак коклаште Мелеуз гыч Никита Юдин эн тале лийын, мемнан район гыч Андрей Мусагитов кокымшо верым, Арслан Садыков кумшо верым налыныт.

Эн кугу ийготан пӧръеҥ-влак коклаште ик ветеран гына, Салават ола гыч Загит Хайруллин вийжым текшырен. Тудо 3 километрым куржын, велосипед дене 5 километрым кудалын да тынарак километрым ече дене каен. Тудо чылаже 13 километрым эртен. Тыгай ветеран дене кугешнаш веле кодеш.

20-29 ияш-влак да 40-49 ияш-влак коклаште Ишимбай гыч Дарья Чечнева ден мемнан Мария Пасечник ойыртемалтыныт. Таҥасымаш эртыме кечылаште организатор-влаклан О. Биктубаева вуйлатыме «Самырык гвардеец-влак» шуко полшеныт.

А ик арня ончыч мемнан рвезе-влак Р. Гаязов, А. Ямбаев, А. Михайлов, Р. Михайлов, тренер Ю. Айгузин Башкортостан Республикын

сборный составше дене Ярославль олаште триатлон дене Российын чемпионатыштыже участвоватленыт да ший призер лийыныт.

Вениамин КОНДОГИН.